الماتىدا جەدەل جاردەم كولىگىنە جول بەرمەگەن جۇرگىزۋشى جاۋاپقا تارتىلدى
الماتى. KAZINFORM - جۇرگىزۋشى اكىمشىلىك كودەكستىڭ 598-بابى 1-بولىگىنىڭ تالاپتارىن بۇزعان.
الەۋمەتتىك جەلىدە جەڭىل كولىكتىڭ جەدەل جاردەم كولىگىنە جول بەرمەگەن بەينەجازباسى تارادى.
پوليتسيا دەپارتامەنتىنىڭ مالىمەتىنشە، وقيعا 22-ءساۋىر كۇنى ساعات 15:30-دا ترۋدوۆايا جانە ءاشىموۆ كوشەلەرىنىڭ قيىلىسىندا بولعان.
- Toyota كولىگىنىڭ جۇرگىزۋشىسى ارنايى شامدارى قوسىلىپ تۇرعان جەدەل جاردەم كولىگىنە جول بەرمەي، قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 598-بابىنىڭ 1-بولىگىنىڭ تالاپتارىن بۇزعان. جەرگىلىكتى پوليتسيا قىزمەتكەرلەرى ايەلدى اكىمشىلىك جاۋاپكەرشىلىككە تارتتى. وعان قاتىستى الدىن الۋ، ءتۇسىندىرۋ جۇمىستارى جۇرگىزىلدى، - دەپ حابارلادى دەپارتامەنتتەن.
قالالىق پوليتسيا جەدەل تاپسىرمالاردى ورىندايتىن كولىكتەرگە قاتىستى جۇرگىزۋ ءتارتىبىن ساقتاۋ تەك زاڭ تالابى عانا ەمەس، ادام ءومىرىنىڭ ماسەلەسى ەكەنىن ەسكەرتتى.
اۆتور
دوسبول اتاجان
