الماتىدا جابايى ساۋدامەن كۇرەس جالعاسىپ جاتىر
الماتى. KAZINFORM - الماتىداعى روزىباقيەۆ جانە تولە بي كوشەلەرىنىڭ بويىنداعى جابايى ساۋدانىڭ 75 نۇكتەسى جويىلدى.
جابايى ساۋدامەن كۇرەس الماتى اكىمى ەربولات دوسايەۆتىڭ تاپسىرماسى بويىنشا «تازا قازاقستان» جالپى رەسپۋبليكالىق باعدارلاماسى جانە «الماتى - ءبىزدىڭ ورتاق ءۇيىمىز» قالالىق باستاماسى اياسىندا جۇزەگە اسىرىلىپ جاتىر.
اتاپ ايتقاندا، المالى اۋدانىندا تولە بي كوشەسىنەن رايىمبەك داڭعىلىنا دەيىن (شىعىس- باتىس باعىتى) روزىباقييەۆ كوشەسى بويىنداعى ۋچاسكەدە جانە پروكوفيەۆتەن تۇرعۇت وزالعا دەيىنگى تولە بي كوشەسىندە، «بارىس - 4»، «جۇلدىز»، «تاستاق» بازارلارى اۋماعىندا ستيحيالىق ساۋدانى جويۋ بويىنشا جۇمىس ىستەلدى.
ناتيجەسىندە ستيحيالىق ساۋدانىڭ 75 نۇكتەسى جويىلدى، سونداي-اق 47 تەكشە مەتردەن استام قوقىس شىعارىلدى.
بۇل ۋچاسكەلەردە كيىم مەن اياق كيىم، تۇرمىستىق بۇيىمدار، ەت ونىمدەرى جانە باسقا دا ازىق-تۇلىك تاۋارلارى، سونىڭ ىشىندە ءسۇت ونىمدەرى ساتىلدى.
- ساۋداگەرلەر رۇقسات قۇجاتتارىنسىز، انتيسانيتاريالىق جاعدايدا جانە اباتتاندىرۋ ەرەجەلەرىن ورەسكەل بۇزا وتىرىپ ساۋدا جاسادى. ساۋداگەرلەرمەن الماتى قالاسىن اباتتاندىرۋ ەرەجەلەرىن ساقتاۋ تۋرالى تۇسىندىرمە اڭگىمە جۇرگىزىلدى. ولارعا المالى اۋدانى بازارلارىنىڭ اۋماعىندا ساۋدا ورىندارى ۇسىنىلدى، - دەپ حابارلادى اكىمدىكتەن.
قالالىق اكىمدىكتەن اتاپ وتكەندەي، ستيحيالىق ساۋدا فاكتىلەرىن انىقتاۋ جانە جويۋ، سونداي-اق زاڭسىز ورناتىلعان ساۋدا وبەكتىلەرىن بولشەكتەۋ جونىندەگى اۋقىمدى اكسيا 15- ساۋىردە باستالىپ، 2025 -جىلدىڭ 1- مامىرىنا دەيىن جالعاساتىن بولادى.
وسىعان دەيىن الماتىدا ءىرى ساۋدا بازارلارى جاڭارتىلاتىنى تۋرالى جازعانبىز.
ەسكە سالايىق، بۇعان دەيىن «التىن وردا»، «بارلىق» بازارلارى وزگەرتىلەتىنى تۋرالى جازعان ەدىك.
بۇدان بولەك، بۇزىلاتىن التى بازاردىڭ ورنىنا نە سالىناتىنى بەلگىلى بولعان.
جالپى الماتىدا 59 بازار بار. ونىڭ 41- ءى جاڭارتىلدى.
اۆتور
الما مۇقانوۆا
