الماتىدا جاڭا اۆتوبۋس باعىتى ىسكە قوسىلادى

الماتى. KAZINFORM - الماتىدا 4-ساۋىردەن باستاپ 130-اۆتوبۋس باعىتى ىسكە قوسىلادى.

جول قوزعالىسىن ۇيىمداستىرۋ جانە جولاۋشىلار كولىگى باسقارماسىنىڭ مالىمەتىنشە، اتالعان مارشرۋتقا «الماتى ەلەكتروترانس» ج ش س قىزمەت كورسەتەدى. كۇن سايىن جەلىگە Yutong ماركالى 15 اۆتوبۋس شىعادى.

- بۇل - ۇزىندىعى 10 مەتر بولاتىن زاماناۋي تومەن ەدەندى اۆتوبۋستار. ءارقايسىسىنا 80 جولاۋشىعا دەيىن سىيادى جانە قاربالاس ۋاقىتتا جولاۋشىلارعا ءتيىمدى قىزمەت كورسەتۋگە مۇمكىندىك بەرەدى. قوزعالىس ارالىعى - 9 مينۋت، - دەپ حابارلادى باسقارمادان.

130-باعىت «قالقامان» شاعىن اۋدانىنداعى  7-قالالىق كلينيكالىق اۋرۋحانادان كوكتوبە ايالداماسىمەن دەيىن قاتىنايدى. باعىتتىڭ جالپى ۇزىندىعى - 21,5 ك م. اۆتوبۋستار كۇن سايىن ساعات 05:30 دان 23:00 گە دەيىن جۇرەدى.

مارشرۋت رايىمبەك باتىر، سەيفۋللين، دوستىق داڭعىلدارى، ساتبايەۆ كوشەسى جانە قالانىڭ باسقا دا ماڭىزدى كوشەلەرى ارقىلى وتەدى. سونداي-اق اۆتوبۋستار بۇرىن قوعامدىق كولىك جۇرمەگەن بۇقار جىراۋ بۋلۆارى بويىمەن دە قاتىنايدى.

جاڭا باعىت قالانىڭ باتىس جانە ورتالىق بولىكتەرى اراسىنداعى بايلانىستى جاقسارتپاق.

ەسكە سالايىق، الماتىنىڭ ءبىر كوشەسىندە قوزعالىس جازعا دەيىن شەكتەلەدى.