الماتىدا شەتەلدىك جىگىت قىزدى سوققىعا جىقتى

 الماتىدا 19 جاستاعى شەتەلدىك جىگىت قىزدى قورلاپ، سوققىعا جىققان، دەپ حابارلايدى قازاقپارات ءتىلشىسى. 

қылмыс
Фото: Фото: ҚазАқпарат

بەيتانىس جىگىتتەن تاياق جەگەن بويجەتكەن الەۋمەتتىك جەلىدە ۆيدەوۇندەۋ جاريالادى.

الماتى تۇرعىنىنىڭ ايتۋىنشا، وقيعا 26-قىركۇيەكتەن 27-قىركۇيەككە قاراعان ءتۇنى قالاداعى بيليارد كلۋبتارىنىڭ بىرىندە بولعان.

«مەن جۇمىستا بولدىم. بەيتانىس ەر ادام مەنى جىنىستىق قاتىناسقا شاقىرىپ، رەنجىتە باستادى. مەن باس تارتقاننان كەيىن ول مەنى بالاعاتتاپ، قولىمنان ۇستادى. ول مەنىڭ جۇمىستان شىققانىمدى كۇتكەن. تاكسيگە وتىرعىزباي، وزىمەن بىرگە بارۋعا ماجبۇرلەدى. كەلىسىم بەرمەگەنىم ءۇشىن سوققىعا جىقتى. مەن ەسەڭگىرەگەن كۇيدە پوليتسيا شاقىردىم. پوليتسيا بولماسا ءتىپتى قيىن بولار ەدى. مەن ءومىرىم ءۇشىن قورقامىن. ونىڭ 19 جاستا جانە شەتەل ازاماتى ەكەنىن ءبىلدىم»، - دەدى ول.

الماتى قالالىق پوليتسيا دەپارتامەنتى، اتالعان دەرەك تۇركسىب اۋداندىق پوليتسيا باسقارماسىندا تىركەلىپ، ق ر ق ك-نىڭ 293-بابى 1-بولىگى بويىنشا تەرگەلىپ جاتقانىن حابارلادى.

«وسى قىلمىستى جاساعان كۇدىكتى 2004 -جىلى تۋعان ا. ەسىمدى ازامات ۇستالدى. بويجەتكەننىڭ العان جاراقاتىنىڭ اۋىرلىعىن انىقتاۋ ماقساتىندا سوت-مەديتسينالىق ساراپتاما تاعايىندالدى. تەرگەۋ شارالارى كەشەنىنىڭ ناتيجەلەرى بويىنشا پروتسەسسۋالدىق شەشىم قابىلداناتىن بولادى»، - دەپ اتاپ ءوتتى الماتى قالالىق پ د باسپا ءسوز قىزمەتىنەن.

سوڭعى جاڭالىقتار