الماتىدا ۇشەم دۇنيەگە كەلدى

الماتى. KAZINFORM - الماتى قالاسىنىڭ 2-قالالىق پەريناتالدىق ورتالىعىندا ۇشەم دۇنيەگە كەلدى.

ۇشەمنىڭ اناسى — 38 جاستا. ونىڭ 2013، 2018 جانە 2019-جىلعى ءۇش بالاسى بار. ال كۇنى كەشە دۇنيەگە ەسىگىن اشقان ءۇش قىزدىڭ سالماقتارى — 1970، 1990 جانە 1969 گرام.

«ۋدز دارىگەرى مەندە ءۇش ەمبريون بار دەگەندە تاڭ قالدىم. ءبىزدىڭ اۋلەتىمىزدە اجەمنىڭ تاراپىندا ەگىزدەر بولعان، ءبىراق ەشكىمدە ۇشەم بولعان ەمەس»، — دەپ ءبولىستى باقىتتى انا.

ال  2-قالالىق پەريناتالدىق ورتالىقتىڭ نەوناتولوگيا ءبولىمىنىڭ مەڭگەرۋشىسى سارباس اينۇرىم سابيلەردىڭ قازىرگى جاعدايى جاقسى ەكەنىن ايتتى.

— سابيلەر دۇنيەگە كەلگەننەن كەيىن ولار رەانيماتسيا بولىمىندە بىرنەشە كۇن جاتىپ، قاجەتتى ەم الدى. قازىر ولار اناسىمەن بىرگە پالاتاعا اۋىستىرىلدى، وزدەرىن جاقسى سەزىنەدى»، — دەدى نەوناتولوگيا ءبولىمىنىڭ مەڭگەرۋشىسى سارباس اينۇرىم.

ايتا كەتكەن ءجون، 2024-جىلدىڭ 10 ايىندا الماتىدا بارلىعى 39750 بالا دۇنيەگە كەلسە، ونىڭ 445 ءى ەگىز، 8 ءى ۇشەم.