الماتىدا شاتىردىڭ ۇستىنە سالىنعان ءۇي بۇزىلا ما
الماتى. KAZINFORM - الماتىدا 9 قاباتتى ءۇيدىڭ توبەسىندە سالىنعان نىسان بۇزىلۋى مۇمكىن.
- الماتى قالاسىنىڭ قالا قۇرىلىسىن باقىلاۋ باسقارماسى المالى اۋدانى №2 اۋداندىق سوتىنا نىسانعا قاتىستى قۇقىق بەلگىلەيتىن قۇجاتتاردى جويۋ جانە ونى ءسۇرۋ تۋرالى تالاپ ارىز جولدادى. قازىرگى ۋاقىتتا سوت ءىسى ءجۇرىپ جاتىر، - دەپ حابارلادى قالالىق اكىمدىكتەن.
وسىعان دەيىن الەۋمەتتىك جەلىدە جۇمالييەۆ كوشەسىنىڭ بويىندا ورنالاسقان 9 قاباتتى ءۇيدىڭ شاتىرىنداعى ەرەكشە باسپانانىڭ ۆيدەوسى تاراعان بولاتىن.
كەيىن اكىمدىك بۇل نىساننىڭ 2012 -جىلى زاڭدى نەگىزدە پايدالانۋعا بەرىلگەنىن ءتۇسىندىردى. الايدا جەلىدەگى قىزۋ تالقىدان كەيىن قالا قۇرىلىسىن باقىلاۋ باسقارماسى عيماراتتىڭ قۇقىقتىق مارتەبەسىن راستاۋ ءۇشىن ارحيۆتەن قۇجاتتاردى كوتەرۋگە ۋادە بەرگەن بولاتىن.
ەسكە سالايىق، بىلتىر الماتىنىڭ تاۋ بوكتەرىندە زاڭسىز سالىنعان 52 نىسان انىقتالعان بولاتىن.
اۆتور
الما مۇقانوۆا
