الماتىدا ءۇشىنشى تەمىرجول ۆوكزالى قاشان سالىنادى
الماتى. KAZINFORM - الماتى-3 تەمىرجول ۆوكزالى الاتاۋ اۋدانىنىڭ اۋماعىندا سالىنادى. جاڭا ۆوكزالدىڭ جوباسىن 2027-جىلعا قاراي اياقتاۋ جوسپاردا تۇر.
الماتى اكىمىنىڭ ورىنباسارى اسقار ءامريننىڭ ايتۋىنشا، الاتاۋ اۋدانىنداعى الماتى-3 ۆوكزالىنىڭ قۇرىلىسى اگلومەراتسيانى دامىتۋ جونىندەگى جوبالار كەشەنىنە كىرەدى.
جاڭا تەمىرجول پلاتفورماسى جۇك جانە جولاۋشىلار لەگىنىڭ ءبىر بولىگىن قايتا باعدارلاۋعا، سونىمەن قاتار، اينالىمعا قوسىمشا جولاۋشىلار پويىزدارىن قوسۋعا مۇمكىندىك بەرەدى، سونىڭ ەسەبىنەن قالالىق اۆتوجول ينفراقۇرىلىمىنىڭ كولىك جۇكتەمەسى ازايادى.
«ۆوكزال مادەنيەت شاعىن اۋدانى ماڭىندا سالىنادى. پلاتفورمانى «قازاقستان تەمىر جولى» سالادى. ءبىزدىڭ باستى مىندەتىمىز - ەگجەي-تەگجەيلى جوسپارلاۋ جوباسىندا (ە ت ج) ۆوكزال مەن ۆوكزال ماڭىنداعى الاڭدى قامتاماسىز ەتۋ بولدى. قازىر تەحنيكالىق-ەكونوميكالىق نەگىزدەمەسى ازىرلەنۋدە. ۆوكزال مەن الاڭنىڭ جوبالارى بويىنشا مەرزىمدەر - 2026-2027 -جىلدار دەپ قاراستىرىپ وتىرمىز»، - دەدى الماتى اكىمىنىڭ ورىنباسارى اسقار ءامرين.
بۇعان دەيىن الماتى جوسپارىنىڭ ەگجەي-تەگجەيلى جاڭا جوبالارى بەكىتىلگەنى تۋرالى جازعان بولاتىنبىز. جاڭا جوبا قالانىڭ 2040 -جىلعا دەيىنگى باس جوسپارىنا سايكەس ازىرلەندى.
اۆتور
الما مۇقانوۆا
