الماتىدا بيىل نارەستەلەرگە قويىلعان ەڭ تانىمال ەسىمدەر قانداي

الماتى. KAZINFORM - «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ الماتى قالالىق فيليالى جاڭا تۋعان سابيلەرگە قويىلعان ەڭ تانىمال ەسىمدەردىڭ رەيتينگىن جاريالادى.

الماتى قالالىق ا ح ا ت باسقارماسىنىڭ مالىمەتىنە سايكەس، جىل باسىنان بەرى مەگاپوليستە 8900 تۋۋ تۋرالى اكت تىركەلگەن. ونىڭ ىشىندە 4653 ى ۇل بالا، 4247 سى قىز بالا.

قىز بالالار اراسىندا ەڭ تانىمال ءۇش ەسىم - ايلين، اسىلىم، توميريس. ال ۇل بالالار اراسىندا مۋحاممەد، الان جانە ءاليحان ەسىمدەرى كوش باستاپ تۇر.

سونىمەن قاتار ءجيى قويىلاتىن ەسىمدەر قاتارىندا الي، الەم، رامازان، امير، ايسۇلتان، حامزا، مەدينا، سافيا، ايىم، اديا جانە ايالا بار.

- بۇگىندە اتا-انالار ەسىم تاڭداۋدا ۇلتتىق ءداستۇر مەن زاماناۋي ۇردىستەردى ۇشتاستىرۋعا ءمان بەرەدى. ماعىناسى تەرەڭ، ايتۋعا جەڭىل ءارى اۋەزدى ەسىمدەرگە سۇرانىس ارتىپ كەلەدى. بۇل ۇلتتىق بولمىس پەن زاماناۋي ترەندتەردىڭ ۇيلەسىمىن كورسەتەدى، - دەپ حابارلادى فيليالدان.

ەسكە سالايىق، نارەستەنى تىركەۋگە بىرنەشە تاسىلمەن ءوتىنىش بەرۋگە بولادى: حالىققا قىزمەت كورسەتۋ ورتالىقتارى، ەلەكتروندىق ۇكىمەت پورتالى جانە ەكىنشى دەڭگەيلى بانكتەردىڭ ءموبيلدى قوسىمشالارى ارقىلى.

سونىمەن قاتار قىزمەت پرواكتيۆتى فورماتتا دا قولجەتىمدى. بالا تۋعاننان كەيىن ءبىر تاۋلىك ىشىندە اناسىنىڭ تەلەفونىنا 1414 نومىرىنەن قۇتتىقتاۋ SMS حابارلاما كەلىپ، قاجەتتى قۇجاتتاردى راسىمدەۋ بويىنشا قادامدىق نۇسقاۋلىق ۇسىنىلادى.

بىلتىر الماتىدا بالالارعا قويىلاتىن ەڭ تانىمال ەسىمدەر تۋرالى جازعانبىز. تىزىمدە ءبىرشاما وزگەرىس بار. تولىعىراق سىلتەمەدەن وقي الاسىزدار.