الماتىدا بوگدە ادامنىڭ كولىگىن ورتەپ جىبەرگەن كۇدىكتى ۇستالدى
الماتى. KAZINFORM - الماتى تۇرعىنىنىڭ كولىگىن ورتەپ جىبەرگەن كۇدىكتى ۇستالدى.
الماتى قالالىق پوليتسيا دەپارتامەنتىنىڭ مالىمەتىنشە، كۇدىكتى انونيمدى تاپسىرىس بەرۋشىنىڭ ايتقانىن اقشا ءۇشىن ورىنداعانىن مويىندادى.
«بوتەننىڭ مۇلكىن قاساقانا جويۋ دەرەگىنە قاتىستى قىلمىستىق ءىس تەرگەلىپ جاتىر. قازىرگى ۋاقىتتا قىلمىسقا قاتىسى بار باسقا ادامداردىڭ جانە تاپسىرىس بەرۋشىنىڭ كىم ەكەنى، سونىمەن قاتار ونىڭ سەبەبىن انىقتاۋعا باعىتتالعان جەدەل-تەرگەۋ شارالارى جۇرگىزىلىپ جاتىر. ساراپتاما تاعايىندالدى. كۇدىكتى ۋاقىتشا ۇستاۋ يزولياتورىنا قامالدى»، - دەدى اۋەزوۆ اۋداندىق پوليتسيا باسقارماسىنىڭ باستىعى ۇلان ءابىلقايىر.
ايتۋىنشا، ق ر ق ك- ءنىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى.
«ق ر كونستيتۋتسياسىنىڭ 77-بابى 3- ءبولىمى، 1-تارماعى، ق ر ق ك- ءنىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى»، - دەپ اتاپ ءوتتى ول.
