الماتىدا اتى اڭىزعا اينالعان بوكسشىعا ىزدەۋ سالىندى
الماتىدا 64 جاستاعى بەلگىلى قازاقستاندىق جانە كەڭەستىك سپورتشى سەرىك نۇرقازوۆ جوعالىپ كەتتى، دەپ حابارلايدى Kazinform.
«قوعام» جەدەل ارەكەت ەتۋ جاساعىنىڭ Instagram پاراقشاسىندا الماتىدا تانىمال سپورتشى سەرىك نۇرقازوۆقا ىزدەۋ سالىنعانى تۋرالى اقپارات شىقتى. ەر ادام 14-جەلتوقساندا ۇيىنەن بەلگىسىز باعىتقا شىعىپ، قايتا ورالماعان. ونىڭ باسىندا سۇر شاپكا، ۇستىندە كاپيۋشونى بار كوك كۇرتە، اق جەمپىر، قارا دجينسى بولعان. سونداي-اق ونىڭ شاشى اق جانە ساقالى بار ەكەنى ايتىلعان.
سەرىك توكەن ۇلى نۇرقازوۆ قاراعاندى وبلىسىندا دۇنيەگە كەلگەن: بوكستان ك س ر و ەڭبەك سىڭىرگەن سپورت شەبەرى؛ 1983 -جىلى ريمدە وتكەن الەم كۋبوگىنىڭ كۇمىس جۇلدەگەرى؛ 1981 -جىلى تامپەرادا وتكەن ەۋروپا چەمپيوناتىنىڭ قولا جۇلدەگەرى؛ 1983 -جىلى ۆارنادا وتكەن ەۋروپا چەمپيونى؛ ك س ر و-نىڭ بىرنەشە دۇركىن چەمپيونى.
