الماتىدا اسكەري قىزمەتكەرلەرگە قاتىستى تەرگەۋ ءجۇرىپ جاتىر
الماتى. KAZINFORM - الماتىدا جوعارى لاۋازىمدى اسكەري قىزمەتكەرلەر قىزمەتتىك وكىلەتتىكتەرىن اسىرا پايدالاندى دەگەن كۇدىككە ءىلىندى.
الەۋمەتتىك جەلىدە قورعانىس سالاسىندا جۇمىس ىستەيتىن ءبىرقاتار جوعارى لاۋازىمدى تۇلعانىڭ ۇستالعانى تۋرالى اقپارات تارادى.
بۇل دەرەككە ق ر ىشكى ىستەر مينيسترلىگى تۇسىنىكتەمە بەردى.
- ءى ءى م اسكەري-تەرگەۋ دەپارتامەنتى ق ر قىلمىستىق كودەكسىنىڭ 451-بابى (بيلىكتى نەمەسە لاۋازىمدىق وكىلەتتىكتەردى اسىرا پايدالانۋ) بويىنشا الماتى قالاسى قورعانىس ىستەرى جونىندەگى دەپارتامەنتىنىڭ لاۋازىمدى تۇلعالارىنا قاتىستى قىلمىستىق ءىستى تەرگەپ جاتىر. قىلمىستىق-پروتسەستىك كودەكستىڭ 201-بابىنا سايكەس، تەرگەۋ مۇددەسى ءۇشىن وزگە مالىمەتتەر جاريا ەتىلمەيدى، - دەپ مالىمدەدى ۆەدومستۆو.
ەسكە سالايىق، بۇرىنعى قورعانىس ءمينيسترى رۋسلان جاقسىلىقوۆتىڭ قاماۋعا الىنعانى جونىندە جالعان مالىمەت تاراعان ەدى.
كەيىن رۋسلان جاقسىلىقوۆتى قاماۋعا الدى دەپ حابارلاعانداردىڭ ۇستىنەن قىلمىستىق ءىس قوزعالدى.
اۆتور
دوسبول اتاجان
