الماتىدا «ارىستان» بازارى ءسۇرىلىپ جاتىر
الماتى. KAZINFORM - «اقساي-4» شاعىن اۋدانىندا جالپى كولەمى 2000 شارشى مەتردەن اساتىن بازار سوتتىڭ شەشىمىمەن سۇرىلەدى.
الماتى اكىمدىگىنىڭ مالىمەتىنشە، بۇرىندارى جوسپاردان تىس جۇرگىزىلگەن تەكسەرۋ بارىسىندا «ارىستان» بازارىنىڭ ءبىر بولىگى ەش رۇقسات قۇجاتتارىنسىز تۇرعىزىلعانى انىقتالعان. سوندىقتان «فيرما تيگروحاۋد» ج ش س مەنشىك يەسىنە قاتىستى اكىمشىلىك شارالار قابىلداندى.
- انىقتالعان جايتتارعا بايلانىستى باسقارما اۋداندىق سوتقا زاڭسىز تۇرعىزىلعان بازار الاڭدارىن بۇزۋ تۋرالى تالاپ ارىز جولداعان ەدى. 2024 -جىلعى 1- ناۋرىزدا سوت اۋدانى بازاردىڭ 2125,62 شارشى مەتر بولاتىن ءبىر بولىگىن بۇزۋ تۋرالى شەشىم شىعاردى. 2024 -جىلعى 19-شىلدەدە الماتى قالالىق سوتى ءبىرىنشى شەشىمدى وزگەرىسسىز قالدىردى، - دەپ حابارلادى اكىمدىكتەن.
قازىرگى ۋاقىتتا ادىلەت دەپارتامەنتى سوت ورىنداۋشىلارىنىڭ قاتىسۋىمەن ءسۇرۋ جۇمىستارىن باستادى.
ەسكە سالايىق، بۇعان دەيىن الماتىدا كوپ جىل بويى قۇرىلىسى بىتپەگەن نىساندار قاشان بۇزىلاتىنىن جازعانبىز.
