الماتىدا پارا العان پوليتسەيلەر ۇستىنەن ءىس قوزعالدى
الماتى. KAZINFORM - الەۋمەتتىك جەلىدە شىققان بەينەجازباعا بايلانىستى الماتىلىق پوليتسەيلەردىڭ ۇستىنەن سوتقا دەيىنگى تەرگەۋ باستالدى.
سىبايلاس جەمقورلىققا قارسى قىزمەت 17-مامىر كۇنى الەۋمەتتىك جەلىدە بەلگىسىز اۆتور جاريالاعان بەينەجازباعا ءمان بەرگەن. وندا الماتى قالاسىنىڭ پوليتسيا قىزمەتكەرلەرىنە كولىك ىشىندە اقشا بەرۋ فاكتىسى جازىلعان.
- سىبايلاس جەمقورلىققا قارسى قىزمەت كورسەتىلگەن جاريالانىمعا ۋاقىتىلى دەن قويىپ، شەتەلدىك ازاماتقا قاتىستى اكىمشىلىك سيپاتتاعى شارالار قولدانباعانى ءۇشىن پارا الۋ فاكتىسى بويىنشا الماتى قالاسى پوليتسيا دەپارتامەنتىنىڭ قىزمەتكەرلەرىنە قاتىستى سوتقا دەيىنگى تەرگەۋدى تىركەدى. تەرگەۋ جالعاسىپ جاتىر - دەپ حابارلايدى س ج ق ق باسپا ءسوز قىزمەتى .
ايتا كەتەيىك، قىلمىستىق- پروتسەستىك كودەكسىنىڭ 201-بابىنا سايكەس وزگە اقپارات جاريا ەتۋگە جاتپايدى.
كونستيتۋتسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق- پروتسەستىك كودەكسىنىڭ 19-بابى 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى.
اۆتور
دوسبول اتاجان
