الماتىدا «الماتى جازى» ناۋقانى اياسىندا قوقىس الاڭدارى زارارسىزداندىرىلادى
الماتىدا «الماتى جازى» ناۋقانى اياسىندا قوقىس الاڭدارىن تازالاۋ، جۋۋ جانە زارارسىزداندىرۋ جۇمىستارى جالعاسۋدا. الماتىدا كۇن سايىن قالا قالاسىنان 1300 توننادان استام قاتتى تۇرمىستىق قالدىقتار شىعارىلادى. قاتتى تۇرمىستىق قالدىقتاردى شىعارۋ الماتى، الاتاۋ اۋدانى، العاباس شاعىن اۋدانى 7-كوشە، 134/12 ۋچاسكەدە ورنالاسقان «Green Recycle» ج ش س قوقىس شىعارۋ كەشەنىندە جۇزەگە اسىرىلادى.
الماتى قالاسىنىڭ ەكولوگيالىق مەنەدجمەنت جانە قورشاعان ورتانى باسقارۋ دەپارتامەنتىنىڭ باس مامانى ءالينۇر باكەنوۆ اتاپ وتكەندەي، قالادا بەكىتىلگەن كەستەگە سايكەس جۋۋمەن جانە زارارسىزداندىرۋمەن 171 بىرلىك ارنايى تەحنيكا اينالىسادى.
«الماتى قالاسىندا قوقىس شىعاراتىن ۇيىمدار جەكە سەكتورداعى قاتتى تۇرمىستىق قالدىقتاردى قتق شىعارۋدىڭ بەكىتىلگەن كەستەسىنە سايكەس، اپتاسىنا ءبىر رەت شىعارادى. كوپقاباتتى ۇيلەردەگى قوقىس كونتەينەرلەرى كۇن سايىن، ال پروبلەمالىق اۋماقتاردا كۇنىنە ەكى، كەي جەردە ءۇش رەت شىعارىلادى»، - دەدى ءالينۇر باكەنوۆ.
زارارسىزداندىرۋ جانە جۋۋمەن قوسا، جۇمىسشىلار سىنعان كونتەينەرلەردى جوندەپ، قوقىس الاڭدارىن رەتكە كەلتىرەدى.
«الماتى جازى» ناۋقانى باستالعالى قوقىس شىعارۋ ۇيىمدارى 300 كونتەينەر مەن 60 كونتەينەرلىك ورىندى جۋۋ، زارارسىزداندىرۋ جانە دەكاتيزاتسيالاۋ جۇمىستارىن جۇرگىزدى. سونداي-اق، 150 كونتەينەر جوندەلىپ، بويالدى.
قازىر قالا اۋماعىندا قتق جيناۋ مەن شىعارۋ جۇمىستارى تولىقتاي جولعا قويىلعان. قالدىق شىعارۋ قىزمەتىن 21 قوقىس شىعارۋ ۇيىمى ۇسىنادى.
«الماتى جازى» ءىس-شاراسى اياسىندا 1454 كونتەينەرلىك الاڭ سانيتارلىق وڭدەۋدەن وتەدى، 700 كونتەينەر جۋىلىپ، زارارسىزداندىرىلادى، سونداي-اق 24747 كوشە مەن اۋلاداعى قوقىس جاشىكتەرىن تازالاۋ كوزدەلگەن.
ەستەرىڭىزگە سالا كەتەيىك، «الماتى جازى» اكسياسى «تازا قازاكستان» جالپى رەسپۋبليكالىق ناۋقانىن ىسكە اسىرۋ اياسىندا باستالدى جانە وسى جىلدىڭ 6-شىلدەسىنە دەيىن سوزىلاتىن «الماتى - ءبىزدىڭ ورتاق ءۇيىمىز» ناۋقانىنىڭ جالعاسى بولىپ تابىلادى.
اۆتور
الما مۇقانوۆا
