الماتىدا ا ح ا ج قىزمەتكەرى جاڭا تۋعان نارەستەلەردى ساتقان

  اپەللياتسيالىق سوت جاڭا تۋعان سابيلەر ساۋداسىمەن اينالىسقان 7 تۇلعاعا قاتىستى ۇكىمدى وزگەرىسسىز قالدىردى، دەپ حابارلايدى Kazinform.

الماتىدا ا ح ا ج مەكەمەسىنىڭ بۇرىنعى قىزمەتكەرى ا. قىلمىستىق توپ قۇرىپ، ونىڭ قۇرامىنا س. جانە ە. (جۇمىسسىزدار) جانە بەلگىسىز ە. ەسىمدى ايەل كىرگەن.

«قىلمىستىق توپتىڭ ماقساتى - جاڭا تۋعان سابيلەرگە قاتىستى ساتىپ الۋ- ساتۋ جانە باسقا دا مامىلەلەر جاساۋ ارقىلى تابىس تابۋ بولدى. ا. -نىڭ مىندەتتەرىنە قىلمىستىق توپقا جالپى باسشىلىق جاساۋ، سونداي- اق تۋۋ تۋرالى كۋالىكتەر جاساۋ كىردى. س. , ە. جانە بەلگىسىز ايەل ە- نىڭ مىندەتتەرى جاڭا تۋعان سابيلەرىنەن باس تارتۋعا دايىن ادامداردى جانە جاڭا تۋعان بالالاردى اسىراپ الۋعا نيەت بىلدىرگەن ادامداردى ىزدەۋ جانە كەلىسسوزدەر جۇرگىزۋ، اقشا الۋ جانە كەيىننەن ولاردى ا- عا بەرۋ بولعان»، - دەپ حابارلادى سوتتان.

ءىس بويىنشا بارلىعى 12 جاڭا تۋعان سابيگە قاتىستى ساتىپ الۋ- ساتۋ جانە سىيعا تارتۋ مامىلەلەرى جاسالدى.

بۇدان بولەك، گ. , ب. , م. جانە ن. -نىڭ ءارقايسىسى جاڭا تۋعان سابيلەرگە قاتىستى ساتىپ الۋ- ساتۋ مامىلەلەرىنىڭ ءبىر ەپيزودىنا قاتىسقانى انىقتالدى. الايدا ولار قىلمىستىق توپقا كىرمەگەن.

سونىمەن قاتار، ب. -عا الاياقتىق جاسادى دەگەن ايىپ تاعىلعان، ياعني جابىرلەنۋشىنىڭ اتىنا 1000000 تەڭگەگە جۋىق سوماعا نەسيەنى الاياقتىق راسىمدەۋ ارقىلى اقشا جىمقىردى دەگەن ايىپ تاعىلدى.

«سونداي- اق، سوت گ. جانە ب. -مەن بىرگە تۇراتىن تۇلعالار جاڭا تۋعان سابيلەرىن ساتۋدان ءوز ەركىمەن باس تارتقانىن انىقتادى، ءبىراق ا. مەن بەلگىسىز ايەل ە. ولاردى الداپ، بالانى الىپ، ساتىپ جىبەرگەن. قىلمىستىق قۋدالاۋ ورگانى بالالارىنان باس تارتقان انالارعا جانە وسى بالالاردى وزدەرى اسىراپ الۋ ءۇشىن ساتىپ العان ادامدارعا قاتىستى سوتقا دەيىنگى تەرگەۋ بارىسىندا ق ك- ءنىڭ 65 بابى بويىنشا وكىنىش بىلدىرگەندەرى ءۇشىن توقتاتىلعانىن اتاپ وتكەن ءجون»، - دەپ اتاپ ءوتتى ۆەدومستۆودان.

سوتتا پروكۋرور بارلىق ايىپتاۋ ەپيزودتارى بويىنشا ايىپكەرلەردىڭ بارلىعىنا 9 جىلدان 16 جىلعا دەيىن باس بوستاندىقتارىنان ايىرۋ جازاسىن تاعايىنداۋدى سۇرادى.

سوت ۇكىمىمەن ا. , س. جانە ە. قىلمىستىق توپ قۇرامىندا كامەلەتكە تولماعاندارعا قاتىستى مامىلەلەر جاساسقانى ءۇشىن تاعىلعان بارلىق ايىپتار بويىنشا كىنالى دەپ تانىلىپ، ا. - 14 جىلعا، س. جانە ە. - ءارقايسىسى 12 جىل مەرزىمگە باس بوستاندىقتارىنان ايىرىلدى.

ا. ق ك- ءنىڭ 385 ب. -نىڭ 1 جانە 2 ب. بويىنشا ايىپ تاعىلعان 11 ەپيزودتىڭ 6 سى بويىنشا (قۇجاتتاردى قولدان جاساۋ) قىلمىستىق قۇقىق بۇزۋشىلىق قۇرامىنىڭ دالەلدەنبەگەنى ءۇشىن اقتالدى.

گ. جانە ب. – ق ك- ءنىڭ 135 بابىنىڭ، 2-بولىگى، 1-تارماعى بويىنشا كىناسىز دەپ تانىلدى جانە قىلمىستىق قۇقىق بۇزۋشىلىق قۇرامىنىڭ جوقتىعى ءۇشىن اقتالدى؛

ب. ق ك- ءنىڭ 190-بابى، 1-ءبولىمى (ونشا اۋىر ەمەس) بويىنشا كىنالى دەپ تانىلىپ، 1 جىل باس بوستاندىعىن شەكتەۋ تۇرىندەگى جازا تاعايىندالدى، سونداي- اق جازا مەرزىمىندە قاماۋدا ۇستاۋ مەرزىمىن ەسەپكە جاتقىزۋ قاعيدالارىنا سايكەس وتەلىپ قويۋىنا بايلانىستى ونى وتەۋدەن بوساتىلدى.

م. جانە ن. - كىنالى دەپ تانىلدى جانە ق ك- ءنىڭ 65-بابى بويىنشا ارەكەتتى وكىنىش بىلدىرگەندەرى ءۇشىن قىلمىستىق جاۋاپكەرشىلىكتەن بوساتىلدى.

جەرگىلىكتى ءبىلىم باسقارمالارىنا قولدانىستاعى زاڭناماعا سايكەس زاڭسىز اسىراپ الىنعان بالالاردىڭ تاعدىرىن انىقتاۋ تۋرالى جەكە قاۋلى جىبەرىلدى.