الماتىدا 9 جاستاعى قىزعا ءبىر مەزەتتە ءۇش وپەراتسيا جاسالدى
الماتى. KAZINFORM – ناۋرىزدىڭ 15-16-كۇندەرى الماتىنىڭ 2-قالالىق بالالار كلينيكالىق اۋرۋحاناسىندا بەلگىلى رەسەيلىك حيرۋرگتار ماكسيم ۆاۆيلوۆ پەن تيمۋر تورنونىڭ بىرىگىپ «ميكروحيرۋرگيا ارقىلى اياق-قولدىڭ تۋا بىتكەن جانە جۇرە پايدا بولعان اقاۋلارىن جەدەل ەمدەۋ» اتتى شەبەرلىك ءدارىسى ءوتتى.
سونىڭ اياسىندا سيرەك كەزدەسەتىن اياق-قول پاتولوگياسى بار 8 قازاقستاندىق بالاعا بىرەگەي وپەراتسيا جاسادى.
الماتى 2- قالالىق بالالار كلينيكالىق اۋرۋحاناسىنىڭ ديرەكتورى مارات راباندياروۆتىڭ ايتۋىنشا، ءدارىس اياسىندا 60 بالا تەكسەرىستەن ءوتىپ، ولارعا ەم-دوم تاعايىندالدى، 8 بالاعا وتا جاسالدى.
قونايەۆ قالاسىنىڭ تۇرعىنى 9 جاستاعى اديناعا ءبىر مەزەتتە ەكى دارىگەرلەر بريگاداسى اياققا، قولعا جانە مويىن سۇيەگىنە ءۇش بىردەي وپەراتسيا جاسادى. ناۋقاسقا «وڭ جاق گەميپارەز، تسەرەبرالدى سال اۋرۋى» دياگنوز قويىلعان.
«بالا جوسپارلى تۇردە قابىلداندى، وتادان 4 كۇن بۇرىن قىز وڭ يىعىمەن قۇلاعان. ولار تۇرعىلىقتى جەرى بويىنشا تراۆماتيكالىق پۋنكتكە جۇگىنىپ، وعان وڭ جاق بۇعاناسىنىڭ ورتاڭعى ۇشتەن ءبىر بولىگىنىڭ جابىق سىنۋى دەگەن دياگنوز قويىلدى. دەزو گيپسى قولدانىلادى. وسىعان بايلانىستى وڭ قولعا وتا جاساۋ ماسەلەسى تۋىندادى. تەكسەرۋدەن كەيىن ەكى دارىگەر توبى ءبىر ۋاقىتتا اياققا، بۇعاناعا، جىلىنشىككە جانە ساۋساققا بىرلەسكەن «سيمۋلتانتتى» وتا جاساۋ تۋرالى شەشىم قابىلدادى: وڭ جاق بۇعانانىڭ جابىق وستەوسينتەزى، شىنتاق جىلىكتىك جۇيكەنىڭ قوزعالتقىش تالشىقتارىنىڭ سەلەكتيۆتى نەيروتومياسى؛ سىڭىرلەردىڭ ترانسپوزيتسياسى؛ وڭ جاق اسىقاستى بۋىنىنىڭ ارتروەرەزى، - دەدى الماتى 2- ق ب ك ا تراۆماتولوگ دارىگەرى ۇلجان سولتانبەكوۆا.
قازىر ادينانىڭ جاعدايى جاقسى، ءتاۋىر بولىپ قالدى.
وسى شەبەرلىك ءدارىسى اياسىندا جاسالعان وپەراتسيالاردا كۇردەلى ميكروحيرۋرگيالىق ءتاسىل قولدانىلدى.
«ميكروحيرۋرگتاردىڭ ميسسياسى، وعان بىردەن جۇگىنۋدىڭ قاجەتى جوق، ول باسقا ادىستەر كومەكتەسپەگەن كەزدە قولدانىلادى. جاراقاتتان كەيىن اقاۋلار بار، ولاردىڭ بارلىق ورتوپەدى مەن تراۆماتولوگى كەز كەلگەن تاسىلمەن جابۋعا تىرىسادى، جەرگىلىكتى تىندەرمەن تارتادى، بۇل «بوس تەرى پلاستيكاسى» نەمەسە «قايتالاما جازىلۋ» دەپ اتالادى. ەگەر ەشتەڭە كومەكتەسپەسە، وندا ءسىز بوس تەرى كەسىندىسى ارقىلى ەمدەپ، قان تامىر اينالاسىن تىگۋىڭىز كەرەك. بۇل رەتتە، ەشتەڭەنى جاراقاتتاماۋ دەگەن اۋىر مىندەت تۇر»، - دەدى حيرۋرگ تيمۋر تورنو.
ايتا كەتەتىن ءجايت، بارلىق ەم-دوم تەگىن جۇرگىزىلدى.
