الماتىدا 50-دەن استام ەسكەرتكىش تۇنگى جارىقپەن جابدىقتالدى
الماتى. KAZINFORM - الماتىدا «تازا قازاقستان» رەسپۋبليكالىق باعدارلاماسى اياسىندا تاريحي ءارى مادەني ەسكەرتكىشتەرگە تۇنگى ۋاقىتتا جارىق بەرۋ جۇمىسى جۇرگىزىلدى. جۇمىس قالانىڭ بارلىق اۋداندارىن قامتىدى.
شارا اياسىندا 56 مونۋمەنت پەن بيۋست تە جارىقتاندىرىلدى. قوسىمشا جارىقتاندىرۋ ءۇشىن 128 پروجەكتور ورناتىلدى.
«الماتى قالا جارىق» م ك ك باس ينجەنەرى الىمۇحامەد جالپاقوۆتىڭ ايتۋىنشا، مۇسىندەر مەن كەشەندەردى جارىقتاندىرۋعا بيۋدجەتتەن قوسىمشا قاراجات بولىنگەن جوق.
«ءبىر جەردە ازعانتاي جارىق بولدى، ءبىز ونىڭ جۇمىسىن جاقسارتتىق. ەسكەرتكىشتەر مۇلدەم جارىقتاندىرىلماعان جەردە ءبىز مونۋمەنت الدى قۇرىلىمنىڭ بارلىق ۇلىلىعىن جارىقپەن كورسەتۋ ءۇشىن قولدا بار رەسۋرستاردى قولداندىق. قازىر كوپتەگەن قالا تۇرعىندارى مەن قوناقتارى بۇل سۇلۋلىقتى سۋرەتكە ءتۇسىرۋ جانە ەسكە الۋ ءۇشىن قاراڭعى ۋاقىتتا ەسكەرتكىشتەرگە ارنايى كەلەدى»، - دەدى ول.
جارىقتاندىرىلعان ەسكەرتكىشتەر تىزىمىندە اباي، ءال-فارابي، رايىمبەك باتىر، شوقان ءۋاليحانوۆ، احمەت بايتۇرسىنوۆ، دىنمۇحامەد قونايەۆ ەسكەرتكىشتەرى، باتىرلارى مەن ينتەرناتسيوناليست- جاۋىنگەرلەرگە، اشارشىلىق پەن ساياسي قۋعىن-سۇرگىن قۇرباندارىنا ارنالعان ءبىرقاتار مەموريالدار، الماتى قالاسىنىڭ قۇتقارۋشىلارىنا ارنالعان ەسكەرتكىشتەر، جانە وزگە دە مونۋمەنتتەر بار.
ەسكە سالايىق، بۇعان دەيىن الماتىدا بەيبەرەكەت تاكسيستەر ماسەلەسى قالاي شەشىلەتىنىن جازعانبىز.
اۆتور
دوسبول اتاجان
