10:07, 15 - شىلدە 2025 | GMT +5
الماتىدا 4 كولىك پەن اۆتوبۋس سوقتىعىسىپ، 23 ادام زارداپ شەكتى
الماتى. KAZINFORM - الماتىدا جول اپاتىنان 23 ادام زارداپ شەكتى.
الماتى قالاسى پوليتسيا دەپارتامەنتى مالىمەتىنشە، جول-كولىك وقيعاسى ساعات 18:10 دا الاتاۋ اۋدانىندا بولعان. بورانداي تاسجولىمەن شىعىس باعىتتا ءجۇرىپ كەلە جاتقان جۇك كولىگى قاتارلاس جۇرگەن Mercedes جانە Kia كولىكتەرىنە سوقتىعىسقان. ونىمەن قوزعالىسى توقتاماي جولدىڭ قاراما-قارسى بەتىنە شىعىپ، اۆتوبۋسپەن جانە Subaru كولىگىمەن سوقتىعىسقان.
- ناتيجەسىندە 23 ادام مەديتسينالىق كومەككە جۇگىندى. بۇل دەرەك بويىنشا رەسمي تەرگەۋ جۇمىستارى باستالدى، - دەپ حابارلادى دەپارتامەنتتەن.
