22:48, 25 - قىركۇيەك 2023 | GMT +5
الماتىدا 4 جاسار بالانى ءولتىردى دەگەن كۇدىكپەن وگەي اكەسى قاماۋعا الىندى
الماتىدا ءتورت جاسار بالانى ۇرىپ ءولتىردى دەپ كۇدىككە ىلىنگەن جاس جىگىت قاماۋعا الىندى، دەپ حابارلايدى قازاقپارات ءتىلشىسى.
بۇل تۋرالى اقپارات الەۋمەتتىك جەلىدە تارادى. جانتۇرشىگەرلىك وقيعانى قالالىق پوليتسيا دەپارتامەنتى راستادى.
«اتالعان دەرەك ناۋرىزباي اۋداندىق پوليتسيا باسقارماسىندا تىركەلىپ، ق ر ق ك- ءنىڭ 99-بابى 3-بولىگى بويىنشا تەرگەۋ جۇرگىزىلىپ جاتىر. 2004 -جىلى تۋعان د. ەسىمدى كۇدىكتى انىقتالىپ، ۇستالدى. ول ۋاقىتشا ۇستاۋ يزولياتورىنا قامالدى»، - دەپ حابارلادى ۆەدومستۆودان.
اتالىپ وتكەندەي، قىلمىستىق ءىستىڭ تەرگەۋ بارىسى الماتى قالالىق پوليتسيا دەپارتامەنتى باسشىلىعىنىڭ باقىلاۋىندا.
