الماتىدا 1979-جىلى پايدالانۋعا بەرىلگەن قۇبىر اۋىستىرىلادى
الماتى. KAZINFORM - الماتىدا جىلۋ جەلىلەرىن جاڭعىرتۋ جۇمىستارى ءجۇرىپ جاتىر.
قالا اكىمدىگى گوگول كوشەسىنىڭ سولتۇستىگىندە، اۋەزوۆ جانە روزىباكييەۆ كوشەلەرى اراسىنداعى ونەركاسىپتىك ايماقتا ورنالاسقان قۇبىر اۋىستىرىلاتىنىن حابارلادى. قۇبىر 1979 -جىلى پايدالانۋعا بەرىلگەن.
- جالپى ۇزىندىعى 1,2 شاقىرىم بولاتىن جىلۋ تراسساسى قالاداعى 120 دان استام نىساندى جىلۋمەن قامتاماسىز ەتەدى. المالى جانە جەتىسۋ اۋداندارىنىڭ تۇرعىندارىن جازعى ماۋسىمدا تۇراقتى ىستىق سۋمەن قامتاماسىز ەتۋ ءۇشىن ۋاقىتشا قۇبىر جەلىسى تارتىلادى، - دەپ حابارلادى «الماتى جىلۋ جۇيەسى» ج ش س.
ۋاقىتشا قۇبىر جەلىسىن قوسۋ ءۇشىن 2025 -جىلدىڭ 2 -مامىرىندا ساعات 9:00-دەن 17:00-گە دەيىن تولە بي - كاريموۆ - رىسقۇلوۆ - چوكين كوشەلەرىنىڭ اۋماعىنداعى بىرنەشە تۇرعىن جانە باسقا دا عيماراتتارعا ىستىق سۋ بەرۋ شەكتەلەدى.
جالپى بيىل قالا بويىنشا 39 ك م جىلۋ جەلىسىن رەكونسترۋكسيالاۋ جوسپارلانعان.
