الماتىدا 14 جىل بويى ىزدەۋدە بولعان ەر ادام فيتنەس زالدا ۇستالدى
الماتىدا 14 جىل بويى حالىقارالىق ىزدەۋدە بولعان ەر ادام ۇستالدى، - دەپ حابارلايدى Polisia.kz.
جامبىل وبلىسى پ د ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى 2009-جىلدان بەرى ق ر قىلمىستىق كودەكسىنىڭ 178-بابى 2-بولىگى، 257-بابى 3-بولىگى (ەسكى رەداكسيا) بويىنشا ىزدەۋدە جۇرگەن 49 جاستاعى ءو. ەسىمدى ەر ادامدى ۇستادى.
وسىدان 14 جىل بۇرىن تارازدا توناۋ جانە بۇزاقىلىق دەرەكتەرىن جاساعانى ءۇشىن وعان قاتىستى ىزدەۋ جاريالانعان بولاتىن.
جەدەل مالىمەتتەرگە سايكەس، ول بىرنەشە جىل بويى شەت مەملەكەتتەردىڭ اۋماعىندا بوي تاسالاعان.
7- قاراشادا جامبىلدىق پوليتسەيلەر ارنايى وپەراتسيا جۇرگىزۋ بارىسىندا ىزدەۋدەگى ەرادامدى الماتىداعى فيتنەس زالدارىنىڭ بىرىندە ۇستادى. كۇدىكتىنىڭ بەت-بەينەسى ءوزىنىڭ تۋعان اعاسىنا ۇقسايدى. ول پوليتسيا قىزمەتكەرلەرىنە باۋىرىنىڭ ەسىمىن ايتىپ تانىستىرعان.
انىقتاۋ جۇمىستارىن جۇرگىزۋ ءۇشىن ءبىر مەزگىلدە ونىڭ تۋعان اعاسى جامبىل وبلىسىنىڭ پوليتسيا دەپارتامەنتىنە جەتكىزىلدى. ولاردىڭ ساۋساق ىزدەرى الىنىپ، جەكە باستارى تولىق انىقتالعان سوڭ ىزدەۋدەگى ەر ادام الماتى قالاسى پ د ۋ ۇ ي- عا قاماققا الىندى.
