الماتىدا 1- شىلدە كۇنى تۋريستەرگە ارنالعان جاڭا قوسىمشا ىسكە قوسىلادى
الماتى. KAZINFORM - الماتىعا كەلگەن تۋريستەر SuperApp قوسىمشاسى ارقىلى ىڭعايلى ساياحاتتاي الادى.
الماتى قالاسى تۋريزم باسقارماسىنىڭ مالىمەتىنشە، تۋريستەرگە ارنالعان ءبىرىڭعاي موبيلدى قوسىمشا قالاداعى بارلىق ماڭىزدى قىزمەتتەردى بىرىكتىرەدى.
پايدالانۋشىلار ول ارقىلى مادەني جانە سپورتتىق ءىس- شارالارعا بيلەتتەر ساتىپ الا الادى، سيفرلاندىرىلعان سوقپاق جولدار مەن تۋريستىك مارشرۋتتار بويىنشا باعىتتاردى زەرتتەپ، جوسپارلاي الادى. ودان بولەك الماتى قالاسى بويىنشا وزەكتى تۋرلار مەن ەكسكۋرسيالاردى برونداپ، قالانىڭ كورنەكتى ورىندارى بويىنشا VR ساياحاتتار جاساي الادى.
- الماتى قالاسى سيفرلاندىرۋ باسقارماسى «وڭاي» سەرۆيسى ارقىلى «الماتى قالاسىنىڭ كولىك حولدينگى» ج ش س- مەن بىرلەسىپ، بارلىق قالالىق قىزمەتتى ءبىر پلاتفورمادا بىرىكتىرەتىن، قالا تۇرعىندارى مەن تۋريستەرگە ىڭعايلى بولۋ ءۇشىن بارلىق قالالىق سەرۆيستى ۇسىنۋعا ارنالعان ءبىرىڭعاي قالالىق موبيلدى قوسىمشانى ازىرلەۋ جۇمىستارىن جۇرگىزىپ جاتىر. SuperApp جوباسىنىڭ باسىم باعىتتارىنىڭ ءبىرى - قالا تۇرعىندارى مەن قوناقتارىنا تۋريزمنىڭ سيفرلىق ەكوجۇيەسىنە قول جەتكىزۋگە مۇمكىندىك بەرەتىن تۋريستىك سەرۆيستەر پلاتفورماسىن دامىتۋ، - دەپ حابارلادى باسقارمادان.
سونىمەن قاتار تۋريزم باسقارماسى SuperApp قوسىمشاسىن بيىل 1- شىلدە كۇنى ىسكە قوسۋدى جوسپارلاپ وتىر.
ەسكە سالايىق، بۇعان دەيىن الماتىدا تۋريستەرگە ارنالعان رەسمي گاستروگيد ۇسىنىلعانىن جازعانبىز.
