الماتىعا چەلسي قۇرامى ۇشىپ كەلدى

الماتى. KAZINFORM - ۋەفا كونفەرەنسيا ليگاسى جالپى كەزەڭىنىڭ بەسىنشى تۋرىندا «استانا» كومانداسىمەن كەزدەسۋ ءۇشىن، بريتاندىق «چەلسي» فۋتبول كومانداسىنىڭ قۇرامى الماتىعا تابان تىرەدى. بۇل تۋرالى Sports.kz سايتى جازدى.

- الماتىعا ءساتتى قوندىق، - دەپ جازدى كوماندا الەۋمەتتىك جەلىگە.

تىكەلەي ەفير «Qazsport» تەلەارناسىندا ساعات 20:20 دا بولاتىنىن ەسكە سالامىز.

ەسكە سالا كەتەيىك، بۇگىن الماتىنىڭ ورتالىق ستاديونىندا وتەتىن «استانا» - «چەلسي» ماتچى قارساڭىندا قالا پوليتسەيلەرى بيلەتتەردى ساتۋعا قاتىستى الاياقتىق ارەكەتتەر بولۋى مۇمكىن ەكەنىن ەسكەرتتى.

الەۋمەتتىك جەلىلەردە اتالعان ماتچ بولماۋى مۇمكىن دەگەن قاۋەسەت تارادى. «استانا» مەن «چەلسي» ويىنى كەيىنگە شەگەرىلە مە - كلۋب باسشىلىعى جاۋاپ بەرگەن بولاتىن.

بۇگىن سونداي- اق «استانا» مەن «چەلسي» ويىنى الدىندا الماتىدا ورتالىق ستاديونعا تەگىن اۆتوبۋستار جۇرەدى.