الماتى پوليتسياسى كۇشەيتىلگەن رەجيمگە اۋىستى
الماتى. KAZINFORM - الماتىدا قوعامدىق ءتارتىپتى 2 مىڭنان استام پوليتسيا قىزمەتكەرى قامتاماسىز ەتۋدە. پاترۋلدىك پوليتسيا قىزمەتكەرلەرى، ۋچاسكەلىك ينسپەكتورلار، يۋۆەنالدى پوليتسيا مەن جەدەل بولىمشەلەردىڭ ينسپەكتورلارى قىزمەتتىڭ كۇشەيتىلگەن نۇسقاسىنا اۋىستىرىلدى. سونىمەن قاتار تەرگەۋ-جەدەل توپتار كۇشەيتىلدى.
قالاداعى جالپى ءبىلىم بەرەتىن مەكتەپتەر مەن مەديتسينالىق مەكەمەلەردىڭ جاعدايىنا ەرەكشە نازار اۋدارىلىپ جاتىر. الماتىدا جەدەل جانە جول قوزعالىسى جاعدايى تۇراقتى جانە باقىلاۋدا.
سولتۇستىك- وڭتۇستىك- شىعىس- باتىس باعىتتارىنداعى جول قوزعالىسى اۆتوكولىك قوزعالىسىنىڭ كوبەيۋىنە قاراماستان، ادەتتەگىدەي باعدارشامنىڭ كومەگىمەن جۇزەگە اسىرىلادى. كۇردەلى قوزعالىس جاعدايىندا قوزعالىس قولمەن باسقارۋعا اۋىستىرىلادى.
جانارماي قۇيۋ بەكەتتەرى دە باقىلاۋعا الىندى.
الماتى پوليتسياسى جول قوزعالىسىنا قاتىسۋشىلاردى جول قوزعالىسى ەرەجەلەرىن قاتاڭ ساقتاۋعا شاقىرادى.
سونداي-اق ازاماتتاردىڭ مۇلكىنىڭ ساقتالۋىن قامتاماسىز ەتۋ جانە قىلمىستاردىڭ الدىن الۋ بويىنشا پروفيلاكتيكالىق ءىس-شارالار جۇرگىزىلدى.
سونىمەن قاتار الماتى پوليتسياسى ازاماتتاردى اقپاراتتىق مادەنيەتتىلىككە شاقىرادى جانە تەك رەسمي اقپارات كوزدەرىنەن الىنعان مالىمەتتەرگە سەنۋدى ۇسىنادى.
اۆتور
الما مۇقانوۆا
