الماتى وبلىسىنىڭ تاۋلارىندا تۋريست اداسىپ كەتتى
قوناەۆ. KAZINFORM - الماتى وبلىسىنىڭ تاۋلى اۋماعىندا توتەنشە جاعدايلار مينيسترلىگىنىڭ قۇتقارۋشىلارى باعىتىنان جاڭىلعان تۋريستى ىزدەۋ وپەراتسياسىن جۇرگىزدى، دەپ حابارلايدى Kazinform.
قۇتقارۋ توبى جاقىندا قايتا اشىلعان «مەدەۋ» بەكەتىنەن شىقتى، بەكەت جۇمىسى ت ج ءمينيسترىنىڭ تاپسىرماسىمەن قايتا جاندانعان.
قۇتقارۋشىلار اۆتوكولىكپەن كيماسار شاتقالىنداعى كوپىرگە دەيىن جەتىپ، ودان ءارى 3053 مەتر بيىكتىكتە ورنالاسقان فۋرمانوۆ شىڭىنا قاراي جاياۋ كوتەرىلدى.
ت ج م مالىمەتىنشە، ىزدەستىرۋ جۇمىستارى قاتتى جاڭبىر، قالىڭ تۇمان جانە ناشار كورىنۋ سياقتى قولايسىز اۋا رايىنا بايلانىستى كۇردەلى بولدى. سوعان قاراماستان، قۇتقارۋشىلار جاس جىگىتتى تەز تاۋىپ، العاشقى كومەك كورسەتىپ، ونى قاۋىپسىز جاعدايدا ەلدى مەكەنگە جەتكىزدى.
تۋريستىڭ دەنساۋلىعىنا مەديتسينالىق كومەك قاجەت بولمادى.
قۇتقارىلعان ازامات كەيىن قۇتقارۋشىلارعا العىس ءبىلدىرىپ، بەينەۇندەۋ جولدادى.
بۇعان دەيىن الماتى وبلىسىندا اتىس بولعانى حابارلاندى.
