الماتى وبلىسىندا زورلىق-زومبىلىق بەلگىلەرى بار ەر ادامنىڭ ءمايىتى تابىلدى

الماتى وبلىسى، ىلە اۋدانىنا قاراستى وتەگەن باتىر اۋىلىندا دەنەسىندە زورلىق-زومبىلىق بەلگىلەرى بار ەر ادامنىڭ دەنەسى تابىلدى، دەپ حابارلايدى Kazinform.

الماتى وبلىستىق پوليتسيا دەپارتامەنتىنىڭ باسشىسى باۋىرجان الەنوۆ اتاپ وتكەندەي، 26-جەلتوقسان كۇنى ىلە اۋداندىق پوليتسيا باسقارماسىنىڭ كەزەكشى بولىمىنە وتەگەن باتىر اۋىلىنداعى كوشەلەردىڭ بىرىنەن اۋىر دەنە جاراقاتتارىمەن 40 جاستاعى جەرگىلىكتى تۇرعىننىڭ ءمايىتى تابىلعانى تۋرالى اقپارات تۇسكەن.

«ىلە اۋداندىق پوليتسيا باسقارماسىنىڭ قىزمەتكەرلەرى جۇرگىزگەن جەدەل-ىزدەستىرۋ ءىس-شارالارى بارىسىندا 1993 جانە 2007 -جىلى تۋعان ەكى كۇدىكتى انىقتالىپ، ۇستالدى. ولار ءوز قىلمىسىن تولىق مويىنداپ وتىر. قازىرگى ۋاقىتتا سوت-مەديتسينالىق ساراپتاما تاعايىندالىپ، بارلىق قاجەتتى تەرگەۋ ارەكەتتەرى جۇرگىزىلۋدە»، - دەيدى دەپارتامەنت باسشىسى.

اتالعان دەرەك ق ر قىلمىستىق كودەكسىنىڭ 99-بابىنىڭ 1-بولىگى («ادام ءولتىرۋ») بويىنشا تىركەلدى.

كۇدىكتىلەر زاڭنامادا بەلگىلەنگەن تارتىپپەن قاماۋعا الىندى.