الماتى وبلىسىندا پوليتسەيلەر نارەستەسى بار ايەل وتىرعان كولىككە سوعىلدى
قونايەۆ. KAZINFORM - الماتى وبلىسىندا پوليتسەيلەر جاياۋ جۇرگىنشىلەر جولاعىنا توقتاعان كولىككە سوعىلدى.
ونىڭ ۆيدەوسى الەۋمەتتىك جەلىدە تارادى. كادرلاردان پاترۋلدىك كولىكتىڭ جاياۋ جۇرگىنشىلەر جولاعىنا توقتاعان ماشينانى ارت جاعىنان سوققانى كورۋگە بولادى.
كەيىن ونىڭ ىشىنەن بالاسىن كوتەرگەن ايەل شىقتى.
پوليتسيا دەپارتامەنتىنەن ءمالىم ەتكەندەي، جول اپاتى 27-ماۋسىم كۇنى الماتى- جاندوسوۆ تاس جولىنىڭ 25 شاقىرىمىندا بولعان.
«Hyundai Elantra جانە Toyota Ipsum كولىكتەرىنىڭ قاتىسۋىمەن بولعان جول اپاتىنان ەشكىم زارداپ شەكككەن جوق. كولىكتەرگە مەحانيكالىق زاقىم كەلگەن. اپاتقا كىنالى ادام قولدانىستاعى زاڭناماعا سايكەس جاۋاپقا تارتىلدى»، - دەپ اتاپ ءوتتى ۆەدومستۆودان.
وسىعان دەيىن ۇلكەن الماتى كانالى بويىمەن شىعىس باعىتتا كەلە جاتقان لادا كولىگىنىڭ جۇرگىزۋشىسى رۋلگە يە بولا الماي، جول جيەگىنە شىعىپ كەتىپ، اعاشقا سوعىلعانى تۋرالى جازعان ەدىك.
سالدارىنان كولىك جۇرگىزۋشىسى مەن ونىڭ ءۇش جولاۋشىسى وقيعا ورنىندا كوز جۇمدى، تاعى ءبىر جولاۋشى دەنە جاراقاتىمەن قالالىق اۋرۋحانالاردىڭ بىرىنە جەتكىزىلدى.
