09:46, 30 - قازان 2024 | GMT +6
الماتى وبلىسىندا كولىك اعاشقا سوعىلىپ، ءبىر ادام مەرت بولدى
قونايەۆ. KAZINFORM - الماتى وبلىسىندا Lada Largus كولىگى اعاشقا سوعىلىپ، ءبىر ادام مەرت بولدى.
الماتى وبلىستىق پوليتسيا دەپارتامەنتىنىڭ دەرەگىنشە، جول اپاتى 28-قازان كۇنى ەڭبەكشىقازاق اۋدانى اقتوعاي اۋىلىنىڭ ماڭىنداعى الماتى - كوكپەك - كوكتال اۆتوجولىنىڭ 51- شاقىرىمىندا بولعان.
«Lada Largus» جۇرگىزۋشىسى ءرولدى باسقارا الماي، اعاشقا سوعىلدى. جول اپاتى سالدارىنان 40 جاستاعى جولاۋشى ايەل سول جەردە كوز جۇمدى. جۇرگىزۋشى مەن ەكى جولاۋشى ءارتۇرلى دەنە جاراقاتتارىمەن جاقىن ماڭداعى اۋرۋحاناعا جەتكىزىلدى»، - دەپ حابارلادى پوليتسيادان.
ءتارتىپ ساقشىلارى جۇرگىزۋشىلەردى جول قاۋىپسىزدىگى تالاپتارىن بۇزباۋعا جانە جول ەرەجەلەرىن قاتاڭ ساقتاۋعا شاقىردى.
