21:10, 22 - ءساۋىر 2025 | GMT +5
الماتى وبلىسىندا جول اپاتىنان 4 ادام قازا تاپتى
قونايەۆ. KAZINFORM - الماتى- بىشكەك تاس جولىنداعى اپاتتان ءتورت ادام مەرت بولدى.
الماتى وبلىستىق پوليتسيا دەپارتامەنتىنەن ءمالىم ەتكەندەي، جول اپاتى 21-ءساۋىر كۇنى الماتى- بىشكەك اۆتوجولىنىڭ 86 شاقىرىمىندا بولدى.
- انىقتالعانداي، Land Rover Range Rover كولىگىنىڭ 22 جاستاعى جۇرگىزۋشىسى رۋلدى باسقارا الماي، اۋدارىلىپ كەتكەن. جول اپاتى سالدارىنان جۇرگىزۋشى مەن ەكى جولاۋشى وقيعا ورنىندا كوز جۇمدى. تاعى ءبىر ادام اۋرۋحانادا قايتىس بولدى، - دەپ حابارلادى الماتى وبلىستىق پوليتسيا دەپارتامەنتىنەن.
بۇل فاكت بويىنشا پوليتسيا قىزمەتكەرلەرى سوتقا دەيىنگى تەرگەۋدى باستادى.
بۇعان دەيىن باتىس قازاقستان وبلىسىندا جول-كولىك وقيعاسىنان ەكى ءجاسوسپىرىم قازا تاپقانى تۋرالى جازعان ەدىك.
پاۆلودار وبلىسىندا دا جول اپاتىنان 4 ادام قازا تاپتى.
