الماتى وبلىسىندا دارىگەرلەر ناۋقاستىڭ ءوت قابىنان 111 تاس العان
تالدىقورعان. KAZINFORM - قونايەۆ قالالىق كوپسالالى اۋرۋحاناسىنا تۇسكەن ناۋقاسقا وتا جاساعان دارىگەرلەر ونىڭ ءوت قابىنان 111 تاس العان. ەمدەلۋشىنىڭ قازىر جاعدايى جاقسى.
الماتى وبلىستىق دەنساۋلىق ساقتاۋ باسقارماسىنىڭ دەرەگىنشە، 35 جاستاعى قونايەۆ قالاسىنىڭ تۇرعىنىن باۋىرىنىڭ اينالاسى ءجيى شانشىپ، اۋرۋ مازالاعان. دارىگەرلەرگە جۇگىنگەن ناۋقاسقا وتا ارنايى لاپاروسكوپيالىق قۇرىلعى ارقىلى جاسالعان. ناتيجەسىندە حيرۋرگتار ابدەن اسقىنىپ، تاسقا تولىپ كەتكەن ءوت قابىن تولىق الىپ تاستاعان.
- ناۋقاستىڭ ءوتى تولىپ تۇرعاندا جارىقشاقتى گراناتاعا ۇقساس بولدى. ودان ءىرىلى-ۇساقتى 111 تاس شىقتى، - دەيدى حيرۋرگ رينات توقبازار ۇلى.
قونايەۆ قالالىق كوپسالالى اۋرۋحاناسىنىڭ ماماندارى وسىعان دەيىن مۇنداي وتالار ءداستۇرلى اشىق ادىسپەن ورىندالسا، سوڭعى جىلدارى لاپاروسكوپيالىق ادىسكە اۋىسقاندى وڭ باعالادى.
ونىڭ ەمدەلۋشىگە وتادان كەيىن تەز قالىپقا كەلىپ، قاتارعا قوسىلۋىنا زور ىقپالى بار ەكەنىن ايتتى.
م ءا م س اياسىندا جاسالعان جوسپارلى ءساتتى وتادان كەيىن ناۋقاس ۇيگە شىعارىلعان.
