الماتى وبلىسىندا «ءبىر كۇندىك كلينيكا» جوباسى ىسكە قوسىلدى

قونايەۆ. KAZINFORM - الماتى وبلىسىندا «ءبىر كۇندىك كلينيكا» جوباسى باستاۋ الدى. پيلوتتىق جوبانىڭ ماقساتى - ايەلدى جۇكتىلىكتىڭ 10- اپتاسىنا دەيىن ەسەپكە الۋ.

Бір күндік клиника
فوتو: الماتى وبلىسى دەنساۋلىق ساقتاۋ باسقارماسى

الماتى وبلىسى دەنساۋلىق ساقتاۋ باسقارماسى باسشىسىنىڭ ورىنباسارى لەيلا سەرىكبايەۆانىڭ ايتۋىنشا، ءتيىستى سكرينينگتىك ۋلترادىبىستىق زەرتتەۋ، حروموسومالىق اۋىتقۋلارعا تەكسەرۋ ءۇشىن قان الۋ، تاعى باسقا ماڭىزدى تەكسەرۋلەر ءبىر كۇن ىشىندە ءارى تەگىن جۇرگىزىلەدى.

Бір күндік клиника жобасы
فوتو: الماتى وبلىسى دەنساۋلىق ساقتاۋ باسقارماسى

- ۇرىقتىڭ پرەناتالدى دياگنوستيكاسىنىڭ ساپاسىن جاقسارتۋ، بالالار اراسىندا سىرقاتتانۋشىلىق پەن مۇگەدەكتىكتى ۋاقتىلى دياگنوستيكالاۋ جانە الدىن الۋ، ۇرىقتىڭ تۋا بىتكەن اقاۋلارىنان نارەستە ءولىمىن ازايتۋ ءۇشىن الماتى كوپسالالى كلينيكالىق اۋرۋحاناسىنىڭ بازاسىندا ساراپتامالىق دەڭگەيدەگى ۋلترادىبىستىق زەرتتەۋدى، بيوحيميالىق سكرينينگتى جانە گەنەتيكالىق كونسۋلتاتسيانى قامتيتىن «ءبىر كۇندىك كلينيكا» جوباسى ىسكە قوسىلدى، - دەدى ول.

دارىگەردىڭ سوزىنشە، دامۋ پاتولوگياسى انىقتالعان كەزدە، پرەناتالدى كوپسالالى كونسيليۋمدا جۇكتىلىكتى جالعاستىرۋ نەمەسە توقتاتۋدىڭ ودان ءارى تاكتيكاسى انىقتالادى. كوپسالالى كوميسسيانىڭ قۇرامىنا گەنەتيك دارىگەر، ۋلترادىبىستىق مامان، اكۋشەر-گينەكولوگ، بالالار كارديوحيرۋرگى، بالالار نەيروحيرۋرگى جانە نەوناتالدى حيرۋرگ كىرەدى.

Бір күндік клиника жобасы
فوتو: الماتى وبلىسى دەنساۋلىق ساقتاۋ باسقارماسى

كوميسسيا وتىرىسىندا وتباسىنا انىقتالعان اۋرۋدىڭ بارلىق سالدارى، جۇكتىلىكتى ۇزارتۋ تۋرالى شەشىم قابىلداۋ كەزىندە بالانىڭ ءومىرىنىڭ بولجامى جانە مۇگەدەكتىك دارەجەسى تۇسىندىرىلەدى.

- ءبىر كۇندىك كلينيكا جۇكتى ايەلدەرگە ءبىر كۇن ىشىندە بارلىق تەكسەرۋلەردەن وتۋگە مۇمكىندىك بەرەدى. مۇندا «بۇگىن جانە قازىر» پرينسيپى ماڭىزدى ءرول اتقارادى. ءبىز جۇكتى ايەلدەرگە مەملەكەتتىك تەگىن مەديتسينالىق كومەك اياسىندا مەديتسينالىق دياگنوستيكا مەن ەمدەۋدىڭ ەڭ زاماناۋي ادىستەرىن ۇسىنا الاتىنىمىزعا سەنىمدىمىز، - دەيدى الماتى كوپسالالى كلينيكالىق اۋرۋحاناسىنىڭ ديرەكتورى ەلميرا بەرىكوۆا.

медициналық аппарат
فوتو: الماتى وبلىسى دەنساۋلىق ساقتاۋ باسقارماسى

وسىعان دەيىن حابارلاعانىمىزداي، كەپىلدەندىرىلگەن تەگىن مەديتسينالىق كومەكتىڭ ءبىرقاتارى ەندى ساقتاندىرۋ ەسەبىنەن كورسەتىلەدى.

узи
فوتو: الماتى وبلىسى دەنساۋلىق ساقتاۋ باسقارماسى

اۆتور

الما مۇقانوۆا

سوڭعى جاڭالىقتار