الماتى وبلىسىندا اتىس بولدى
الماتى. KAZINFORM - الماتى وبلىسىنىڭ تالعار اۋدانىندا اتىس بولدى. بۇل تۋرالى مالىمەت الەۋمەتتىك جەلىگە تارادى.
الماتى وبلىسىنىڭ پوليتسيا دەپارتامەنتى اتالعان جاعدايعا بايلانىستى قىلمىستىق ءىس قوزعالعانىن حابارلادى.
- قابىلدانعان شارالار ناتيجەسىندە وقيعاعا قاتىسۋشىلاردىڭ ءبارى انىقتالدى. اۋرۋحاناعا جەتكىزىلگەن ءتورت كۇدىكتىنى پوليتسيا كۇزەتىپ تۇر. ءبىر ايىپتالۋشى ۋاقىتشا ۇستاۋ يزولياتورىنا قامالدى، - دەپ ءتۇسىندىردى الماتى وبلىسى پوليتسيا دەپارتامەنتىنىڭ باسپا ءسوز قىزمەتى.
ۆەدومستۆودان ىزدەستىرۋ شارالارى جۇرگىزىلىپ جاتقانىن اتاپ ءوتتى.
ەسكە سالايىق، بىلتىر جازدا قونايەۆ قالاسىندا تۇندە اتىس بولىپ، وقيعا سالدارىنان زارداپ شەككەن 2000 جانە 2003-جىلعى جىگىتتەر اۋرۋحاناعا جاتقىزىلىپ، 2003-جىلعى ازامات رەانيماتسيا بولىمىندە جان تاپسىرعان ەدى.
كەيىن كىسى ءولتىرۋ ءىسى بويىنشا التى ايىپتالۋشى 17 جىلدان 19 جىلعا دەيىن باس بوستاندىعىنان ايىرىلدى.
