الماتى وبلىسىندا اناسى مەن بالاسى وزەنگە اعىپ كەتتى
الماتى. KAZINFORM - الماتى وبلىسىندا قۇتقارۋشىلار ىزدەۋ جۇمىستارىن جۇرگىزىپ جاتىر.
الماتى وبلىسى ت ج د مالىمەتىنشە، 1981 -جىلعى ايەل مەن ونىڭ 2015 -جىلعى بالاسى تالعار وزەنىنىڭ جاعاسىنا بارعان. دەمالىس كەزىندە ولار سۋعا قۇلاپ، اعىس الىپ كەتكەن. 22 -ماۋسىم كۇنى ساعات 15:55-تە تالعار اۋدانى ىلە-الاتاۋ مەملەكەتتىك ۇلتتىق تابيعي پاركىنىڭ اۋماعىنداعى مارالساي شاتقالىندا قۇتقارۋ-ىزدەۋ جۇمىستارى باستالعان.
- ساعات 18:35-دە رەسپۋبليكالىق جەدەل-قۇتقارۋ جاساعىنىڭ قۇتقارۋشىلارى سۋدان ايەلدىڭ ءمايىتىن شىعاردى. وزەن جاعاسىندا بالانى ىزدەۋ جۇمىستارى ءالى ءجۇرىپ جاتىر. ىزدەستىرۋ- قۇتقارۋ وپەراتسياسىنا شامامەن 110 قىزمەتكەر جانە 20-دان استام تەحنيكا تارتىلعان، - دەپ حابارلادى وبلىستىق تجد.
ەسكە سالايىق، بۇعان دەيىن اقتوبە وبلىسىندا قۇدىققا قۇلاعان قىز بەن ونى قۇتقارماق بولعان ەر ادام قازا تاپتى.
اۆتور
دوسبول اتاجان
