الماتى وبلىسىندا 103 جاستاعى كەيۋانا داۋىس بەردى
قوناەۆ. KAZINFORM - كەگەن اۋدانى ۇزىنبۇلاق اۋىلىنداعى №573 سايلاۋ ۋچاسكەسىنە ءبىر اۋلەتتىڭ بەس بۋىنىنىڭ وكىلدەرى كەلىپ داۋىس بەردى.
103 جاستاعى كۇلپارا شورتانوۆا، ونىڭ 85 جاستاعى ۇلى مارات، 50 دەگى نەمەرەسى ولجاس، 25 جاستاعى شوبەرەسى بەيبىت جانە شوبەرەسى مارال ءوز تاڭداۋلارىن جاسادى.
بۇگىنگى كۇن وتباسى مۇشەلەرى ءۇشىن ۇلكەن مانگە يە. سەبەبى ايتۋلى كۇن ۇرپاقتار ساباقتاستىعى مەن اجىراماس بايلانىسىن، ەل ەرتەڭىنە ءاربىر ادامنىڭ ۇلەس قوسۋعا دەگەن ۇمتىلىسىن كورسەتتى. ايتا كەتەرلىگى، 18 جاستاعى مارال بۇگىن العاش رەت داۋىس بەردى.
شورتانوۆتار وتباسى اۋىلدىڭ كوركەيۋىنە قوسقان ۇلەسىمەن تانىمال. بالالارى مەن نەمەرەلەرى ءتۇرلى سالادا -ۇستازدىقتان باستاپ، مەملەكەتتىك قىزمەتكە دەيىن ەڭبەك ەتەدى. ۇلى مارات اۋىلدىق وكرۋگ اكىمى، نەمەرەسى ولجاس تا جەرگىلىكتى مەملەكەتتىك ورگانداردا قىزمەت اتقارسا، شوبەرەسى بەيبىت العاشقى اسكەري دايىندىقتان ساباق بەرەدى. ولاردىڭ داۋىس بەرۋگە قاتىسۋى ۇرپاقتار اراسىنداعى بايلانىستىڭ، ەلدى كوركەيتۋ جولىنداعى بىرلىكتىڭ سيمۆولىنا اينالدى.
ەسكە سالا كەتەيىك، بۇعان دەيىن قىزىلوردا وبلىسىندا 103 جاستاعى مايدانگەر تاڭداۋىن جاساعانىن جازعان بولاتىنبىز.
