الماتى وبلىسىنان تاعى «التىن ادام» تابىلدى دەگەن بولجام بار

الماتى وبلىسىنان تاعى «التىن ادام» تابىلدى دەگەن بولجام بار، - دەپ حابارلايدى «سەدموي كانال» ارناسى.

ۇيعىر اۋدانىنداعى ارحەولوگيالىق قازبا كەزىندە توعىزبۇلاق-1 قورىمىنان ساق داۋىرىنە تيەسىلى التىن اشەكەي تابىلعان. تەلەارنا مالىمەتىنشە، 1969-جىلى ەسىك قالاسىنان تابىلعان بۇيىمعا ۇقساس.

قارادالا ءوڭىرىنىڭ تەك وسى اۋماعىندا 50 گە جۋىق ساق قورعانى بار. ءال- فارابي اتىنداعى قازاق ۇلتتىق ۋنيۆەرسيتەتىنىڭ عالىمدارى ەكى ايدا التى وبانى زەرتتەپ شىققان. قورىمنان تابىلعان جالپى 30 شاقتى جادىگەردىڭ ىشىندە التىن جۇزىك، شولپى، سالپىنشاق، ءارتۇرلى پىشىندەگى قاپسىرما، القا بار. التىن ءتىسقاپ پەن قوشقار ءمۇيىز اشەكەيلەر دە جاقسى ساقتالعان.

«بۇل جەردە دە التىن ادام جەرلەنۋى مۇمكىن دەگەن وي بار. ءبىراق ءبىراز قورعان ءوز زامانىندا تونالىپ كەتكەن. ايتسە دە ءوز زامانىنداعى بيلىك وكىلدەرىنىڭ وبالارى سانالادى. بۇل جەردەن شىققان التىن بۇيىمدار، تۇسپالداپ ايتقاندا، ءبىزدىڭ زامانىمىزدان بۇرىنعى 4, 3 عاسىرلارعا جاتادى دەپ وتىرمىز»، - دەدى ەكسپەديتسيا جەتەكىشىسى دوسبول بايقوناقوۆ.

Massaget.kz