الماتى تۇرعىنى قوعامدىق كولىكتە جولاقىنى تولەۋدىڭ جاڭا ءتۇرىن ۇسىندى

 الماتى. KAZINFORM - الماتى تۇرعىنى قالا اكىمىمەن بولعان كەزدەسۋدە قوعامدىق كولىكتەردە كارتا نەمەسە ەكىنشى دەڭگەيلى بانكتەردىڭ قولدانباسى ارقىلى جولاقىنى قاشان تولەۋگە بولاتىنىن سۇرادى.

«الماتى اكىمدىگىمەن جولاقىنى تولەۋ سالاسى بويىنشا جاساندى مونوپوليست قۇرىلدى، ول - «الماتى كولىك حولدينگى» ج ش س. مەن باسقا قالالاردا ءجيى بولىپ تۇرامىن، ولاردا ەكىنشى دەڭگەيلى بانكتەر ارقىلى جولاقىنى تولەۋ جۇيەسى ەنگىزىلگەن. مەن بۇل ماسەلەنى بىرنەشە رەت كوتەردىم، ءسىزدىڭ ورىنباسارىڭىز اسقار كەمەڭگەر ۇلىنا دا جولىقتىم. الايدا، بۇل ماسەلە قازىرگى كەزدە قارالىپ جاتقان جوق… بىزدە الماتىدا كارتانى ساتىپ الۋعا جانە سونىمەن جولاقىنى تولەۋدى ماجبۇرلەيدى. SMS تۇرىندە بالاماسى بار ەكەنى راس، الايدا، كوپ ادام ونى پايدالانۋدى بىلمەيدى»، - دەدى قالا تۇرعىنى.

ەربولات دوسايەۆ اكىمدىكتىڭ بۇل ماسەلە بويىنشا جۇمىستار جۇرگىزىپ جاتقانىن ايتتى.

«جاقىن ۋاقىتتا بىزدەگى كەلىسىم اياسىندا ONAY جانە جۇيەلەر ارقىلى تولەم جاساۋ ماسەلەلەرى شەشىلەدى. ءبىراق، باسقا جەرلەردە باسقاشا تولەۋدەن ولاردىڭ قوعامدىق كولىكتەگى ءجۇرۋ ساپاسى جاقساردى ما ەكەن؟ بىزدە ۋاكىلەتتى مەملەكەتتىك ورگان - باسەكەلەستىكتى قورعاۋ جانە دامىتۋ دەپارتامەنتى بار. ەگەر سۇراقتارىڭىز بولسا سوندا حابارلاساسساڭىز بولادى»- دەدى ەربولات دوسايەۆ.

ەسكە سالساق، الماتى اكىمى ەربولات دوسايەۆ بيىل 1-شىلدەدەن باستاپ مەگاپوليستىڭ قوعامدىق كولىكتەرىندە قىزمەت كورسەتۋدىڭ جاڭا ءتاسىلى ەنگىزىلەتىنىن ايتقان بولاتىن.