الماتى تاۋلارىندا ستۋدەنت قىز قايتىس بولدى

الماتى. KAZINFORM — بۇل دەرەك بويىنشا پوليسيا تەرگەۋ جۇرگىزىپ جاتىر.

2- مامىردا الما-اراسان شاتقالىندا تاۋدان تاس قۇلاعان بولاتىن. وسى وقيعادان ستۋدەنت قىزدىڭ جاراقات الىپ، قايتىس بولعانى تۋرالى اقپارات الەۋمەتتىك جەلىدە تارادى.

الايدا الماتى قالاسىنىڭ توتەنشە جاعدايلار دەپارتامەنتى اگەنتتىك ساۋالىنا جاۋاپ بەرە وتىرىپ، قىزدىڭ ءمايىتى «گورەلنيك» شاتقالىنا جاقىن ماڭدا 4- مامىر كۇنى تابىلعانىن جانە الما-اراسان شاتقالىنداعى وقيعاعا قاتىستى جوق ەكەنىن مالىمدەدى.

قازىرگى ۋاقىتتا بۇل دەرەك بويىنشا مەدەۋ اۋداندىق پوليتسيا باسقارماسى تەكسەرۋ جۇرگىزىپ جاتىر.

- وقيعانىڭ ءمان-جايى انىقتالىپ جاتىر، - دەپ حابارلادى قالالىق پوليسيا دەپارتامەنتى.

ەسكە سالايىق، بۇعان دەيىن الماتى تاۋلارىندا اداسىپ كەتكەن ەكى تۋريست قۇتقارىلعانىن جازعانبىز.