الماتى قالاسىنا جاڭا مارتەبە بەرىلەدى

استانا. KAZINFORM - بۇل تۋرالى پرەزيدەنت تۇركى مەملەكەتتەرى ۇيىمىنىڭ بەيرەسمي سامميتىندە ايتتى.

- اتاپ ايتساق، تۇركى مەملەكەتتەرى ۇيىمىنىڭ جانىنداعى قازاقستاننىڭ تۇراقتى وكىلىن تاعايىندادى. كوپ ۇزاماي تۇراقتى وكىلدىك اشۋدى جوسپارلاپ وتىرمىز. استانادا 11-12-ماۋسىم كۇندەرى تۇركى مەملەكەتتەرى پارلامەنتتىك اسسامبلەياسىنىڭ XIV پلەنارلىق وتىرىسى وتەدى. اقتاۋ قالاسى بيىل تۇركى الەمىنىڭ مادەني استاناسى رەتىندە جاريالاندى. وسى مارتەبەلى مىندەتتى جوعارى دەڭگەيدە اتقارۋ ءۇشىن ناقتى ءىس-شارالار قولعا الىندى. قازاقستاننىڭ باستاماسىمەن وتكەن اپتادا ورتالىق سايلاۋ ورگاندارىنىڭ كونسۋلتاتيۆتىك پلاتفورماسى قۇرىلدى. ونىڭ العاشقى وتىرىسى كيەلى تۇركىستان قالاسىندا تابىستى ءوتتى. ورتاق كەلىسىم بويىنشا بيىل ماۋسىم ايىنان باستاپ الماتى قالاسى «تۇركى مەملەكەتتەرى ۇيىمىنىڭ جاستار استاناسى» اتانادى. وسىلايشا، ءبىز تۇركى بىرلىگىن نىعايتامىز، - دەدى پرەزيدەنت.

ايتا كەتەلىك پرەزيدەنت تۇركى مەملەكەتتەرى ۇيىمىنىڭ بەيرەسمي سامميتىنە قاتىسقان ەدى.