الماتى مەن ينچحون اراسىندا جاڭا رەيس قاتىنايدى
استانا. KAZINFORM - وڭتۇستىك كورەيانىڭ اۋەكومپانياسى ينچحون مەن الماتى اراسىندا جاڭا رەيس اشادى.
- مارشرۋتتىڭ ىسكە قوسىلۋى ەلىمىزدىڭ تارتىمدىلىعىنىڭ ارتۋىن جانە وڭىردەگى دامىپ جاتقان تۋريستىك باعىت رەتىندە پوزيتسيالاردىڭ نىعايۋىن كورسەتەدى، - دەپ جازدى Kazakh Tourism ۇلتتىق كومپانياسىنان.
2025-جىلدىڭ 7-ساۋىرىنەن باستاپ ينچحون-الماتى باعىتىنداعى رەيستەر اپتاسىنا 2 رەت ورىندالادى: دۇيسەنبى جانە جۇما كۇندەرى. وڭتۇستىك كورەيادان ۇشۋ ۋاقىتى - 19:30، قازاقستانعا 22:45 تە كەلەدى.
كەرى رەيس الماتىدان ساعات 23:45 تە اتتانادى جانە كەلەسى كۇنى ساعات 9:50 دە ينچحون قالاسىنا جەتەدى. بۇل - Eastar Jet اۋەكومپانياسى ءۇشىن ەڭ ۇزىن باعىتتاردىڭ ءبىرى.
بيلەتتەر قۇنى 199000 ۆوننان باستالادى. رەيستەر B737-8 اۋە كەمەلەرىندە جۇزەگە اسىرىلادى.
وتكەن جىلى وڭتۇستىك كورەيادان ءبىزدىڭ ەلگە كەلۋشىلەر قاتارى 10 پايىز، 40,2 مىڭعا جۋىق ادامدى قۇرادى. وڭتۇستىك استانا حالىقارالىق تۋريستەر ءۇشىن سۇرانىسقا يە باعىتقا اينالۋدا.
بۇعان دەيىن استانا - دەلي باعىتى بويىنشا جاڭا رەيس اشىلاتىنى حابارلانعان.
