الماتى مەن بەس وبلىستا ۇيىمداسقان قىلمىستىق توپ مۇشەلەرى ۇستالدى

استانا. KAZINFORM - الماتى قالاسىندا ۇيىمداسقان قىلمىسقا قارسى كۇرەس باسقارماسى جانە ۇلتتىق قاۋىپسىزدىك كوميتەتى دەپارتامەنتىنىڭ قىزمەتكەرلەرى پروكۋراتۋرانىڭ ۇيلەستىرۋىمەن جۇرگىزىلگەن جەدەل ىزدەستىرۋ ءىس-شارالارى بارىسىندا قىلمىستىق توپقا قاتىسى بار جەكە كۇزەت مەكەمەسىنىڭ زاڭسىز ارەكەتىنىڭ جولىن كەستى، - دەپ حابارلايدى Polisia.kz.

- تەرگەۋ بارىسىندا قىلمىستىق ەلەمەنتتەردىڭ شاعىن جانە ورتا بيزنەس نىساندارىن تولىق باقىلاۋعا الۋ ءۇشىن ويىن-ساۋىق ورىندارىنىڭ باسشىلارى مەن قىزمەتكەرلەرىنە قىسىم كورسەتىپ، زاڭسىز ارەكەتتەرگە بارعان انىقتالدى. كەيىننەن ولار كاسىپكەرلىك نىساندارىن كۇشپەن باسىپ الىپ، سول جەرلەردە «قاۋىپسىزدىك» قىزمەتىن جۇزەگە اسىرعان.

الماتى قالاسى، جەتىسۋ، تۇركىستان، ماڭعىستاۋ، جامبىل جانە الماتى وبلىستارىندا قىلمىستىق توپتىڭ 20 مۇشەسى ۇستالدى. 40 تان استام ءتىنتۋ جۇرگىزىلىپ، جەتى اتىس قارۋى تاركىلەندى. ونىڭ ىشىندە ءۇش شولاق مىلتىق، ماكاروۆ تاپانشاسى، كالاشنيكوۆ اۆتوماتى جانە 100 دەن استام وق- ءدارى الىندى، - دەدى ءى ءى م ۇيىمداسقان قىلمىسقا قارسى كۇرەس دەپارتامەنتىنىڭ وكىلى قۋاندىق الپىس.

بۇزاقىلىق، بوپسالاۋ، ادام ۇرلاۋ، ءوز بەتىنشە بيلىك جۇرگىزۋ جانە دەنساۋلىققا زيان كەلتىرۋ فاكتىلەرى بويىنشا تەرگەۋ ءجۇرىپ جاتىر. توپتىڭ جەتەكشىسى مەن قاتىسۋشىلارىنا قاتىستى ۇيىمداسقان قىلمىستىق توپ قۇرۋ، وعان باسشىلىق ەتۋ جانە قاتىسۋ دەرەكتەرى بويىنشا سوتقا دەيىنگى تەرگەۋ باستالدى.

فيگۋرانتتاردىڭ باسقا دا ۇقساس قىلمىستارعا قاتىسى بار-جوعى تەكسەرىلۋدە.

- بيزنەسكە قىسىم كورسەتۋ جانە وعان قىلمىستىق ارالاسۋ ارەكەتتەرىنىڭ بارلىق فاكتىلەرى مەملەكەت باقىلاۋىندا. كەز كەلگەن زاڭسىز ارەكەت زاڭ شەڭبەرىندە قاتاڭ تۇردە توقتاتىلادى - دەلىنگەن حابارلامادا.

وسىعان دەيىن قاراعاندى وبلىسىندا ۇيىمداسقان قىلمىسقا قارسى كۇرەس باسقارماسىنىڭ وكىلدەرى ەكى قىلمىستىق توپ مۇشەلەرىن ۇستاعانى تۋرالى جازدىق.

اۆتور

ايدار وسپاناليەۆ