الماتى ماڭىنداعى «بارىس» اۆتوكولىك بازارىنىڭ بولاشاعى قانداي

قونايەۆ. KAZINFORM - الماتى وبلىسىنىڭ اكىمى مارات سۇلتانعازيەۆ الماتى قالاسىنا جاقىن ورنالاسقان «بارىس» اۆتوكولىك بازارىنىڭ بولاشاعىنا قاتىستى پىكىر ءبىلدىردى.

- بۇل وتە ىڭعايلى ورىن. الايدا بازار اۋماعىنىڭ بىرنەشە مەنشىك يەسى بار جانە ولاردىڭ كەيبىرىمەن سوت پروتسەستەرى ءجۇرىپ جاتىر. ەگەر ءبىز ءىستى جەڭىپ، 36 گەكتاردان استام جەر تەلىمىن وبلىس قاراماعىنا قايتارا الساق، بۇل جەردە ونەركاسىپتىك يندۋستريالىق ايماق قۇرۋ جوسپاردا بار، - دەدى ءوڭىر باسشىسى.

ونىڭ ايتۋىنشا، بۇل اۋماقتى پايدالانۋدىڭ ءارتۇرلى نۇسقالارى قاراستىرىلعان. الايدا سوڭىندا ءوندىرىستى دامىتۋعا باسىمدىق بەرۋ جونىندە شەشىم قابىلدانعان.

- بۇل - حالىق تىعىز قونىستانعان اۋدان. ال ادامدارعا ەڭ الدىمەن جۇمىس ورىندارى قاجەت، - دەپ ءتۇسىندىردى اكىم.

ەسكە سالايىق، 2023-جىلى سوت «بارىس» اۆتوكولىك بازارىنىڭ جەر ۋچاسكەلەرىن ساتىپ الۋ- ساتۋ شارتىن جارامسىز دەپ تانىدى.