الماتى كوشەلەرىمەن مەرەكەلىك كەرۋەن ءجۇرىپ ءوتتى

الماتى. KAZINFORM - بۇگىن الماتىدا ناۋرىزناما اياسىندا الماتى كوشەلەرىمەن «كوش. ناۋرىز دۋمان» مەرەكەلىك كەرۋەنى ءجۇرىپ ءوتتى.

مەرەكەلىك كوشكە باتىر، بۇركىتشى، اقىن جانە باسقا دا وبرازداعى 1000-نان استام ادام قاتىستى.

سونىمەن قاتار، قالا تۇرعىندارى مەن قوناقتارى ارباداعى كيىز ءۇيدى، قىز كۇيمەسىن، قورجىنعا جىبەك ماتا مەن كىلەم ارتقان تۇيەلەردى، سالت اتتى باتىرلاردى، قۇماي تازىلار مەن مەرگەندەردى، جالپى جەتى قازىنا نىشاندارىن كوردى.

«كوش. ناۋرىز دۋمان» مەرەكەلىك كەرۋەنى ساعات 10:00-دە باستالىپ، اباي داڭعىلى بويىمەن، باتىس باعىتتا دوستىق داڭعىلىنان ابىلاي حان داڭعىلىنا دەيىن، ودان سوڭ ابىلاي حان داڭعىلىمەن سولتۇستىك باعىتتا استانا الاڭىنا دەيىن ءجۇرىپ ءوتتى.