الماتى حايۋاناتتار باعىندا قانداي جولبارىستار ءومىر سۇرەدى
الماتى. KAZINFORM - الماتى حايۋاناتتار باعى زووباقتا ءومىر سۇرەتىن جولبارىستاردىڭ وتباسىلارى جايىندا جەلىدە جازدى.
الماتى حايۋاناتتار باعىندا «اسىل تۇقىمدىلار» كىتابىنا ەنگەن ۋرمان اتتى ەرەكشە امۋر جولبارىسى ءومىر سۇرەدى.
«بۇل جولبارىس بىزگە ءبىر جاسىندا رەسەيدىڭ پەرم قالاسىنداعى زووباقتان اكەلىنگەن. قازىر ول - 13 جاستا. قارت جانۋار سانالعاندىقتان ول امۋر جولبارىستارىن قورعاۋدىڭ حالىقارالىق باعدارلاماسىنا قاتىسۋشى رەتىندە «اسىل تۇقىمدىلار» كىتابىنا ەنگىزىلگەن. وسى باعدارلاما اياسىندا جۇپ رەتىندە وعان ماسكەۋ زووباعىنان الىنعان تاشا ەسىمدى جاس ۇرعاشى تاڭداپ الىندى. تاشا وتكەن جىلى الماتى حايۋاناتتار باعىنا، ۋرماننىڭ قاسىنا جەتكىزىلدى. الداعى ۋاقىتتا ۋرمان مەن تاشا جۇبىندا كىشكەنتاي جولبارىستار ومىرگە كەلەدى دەپ ۇمىتتەنەمىز»، - دەپ جازدى زووباق ۇجىمى.
سونداي-اق زووباقتا جولبارىستاردىڭ تاعى ءبىر وتباسى تۇرادى.
«بەنتلي - استانا سيركىنەن 2021-جىلى اكەلىنگەن، شيراق قيمىلدايتىن جاس جولبارىس. جاقىندا ول 5 جاسقا تولادى. مايا، زويا، ايا جانە شەرحان اتتى كىشكەنتاي جولبارىستار 2021-جىلى ومىرگە كەلگەن. ال ۇرعاشى جولبارىستار - ەرەكشە سۇيكىمدى نۇر مەن نادەجدا بىزگە باكۋ زووباعىنان اكەلىنگەن»، - دەپ حابارلادى زووباقتا.
زووباقتىڭ مالىمەتىنشە، حايۋاناتتار باعىندا ءومىر سۇرەتىن بارلىق جولبارىستىڭ جاعدايى جاقسى.
Посмотреть эту публикацию в Instagram
