الماتى اكىمدىگى ەسكى اۆتوبۋستاردى 160 ميلليون تەڭگەگە ساتتى
الماتى. KAZINFORM - ەلەكتروندى ساۋدا الاڭى ارقىلى بۇزىلعان ءارى تەحنيكالىق اقاۋى بار 573 اۆتوبۋس ساتىلدى.
بۇل اۆتوبۋستاردىڭ تەڭگەرىم ۇستاۋشىسى - «الماتىەلەكتروترانس» ج ش س. ەلەكتروندىق ساۋدا سايتىندا جاريالانعان اقپاراتقا سايكەس، لوتتىڭ باستاپقى باعاسى 93 ميلليون تەڭگە بولعان. ساۋدا ناتيجەسىندە كولىك قۇرالدارى 160 ميلليون 332 مىڭ تەڭگەگە ساتىلعان.
جەڭىمپاز تۋرالى اقپارات سايتتا جاريالانباعان. الايدا اگەنتتىك ساۋالىنا جاۋاپ بەرگەن «الماتى ەلەكتروترانس» كومپانياسى اۆتوبۋستاردى «اردا قۇرىلىس» ج ش س ساتىپ العانىن حابارلادى.
تەحنيكالىق تاپسىرما شارتتارىنا سايكەس، جەڭىمپاز مۇلىكتى 60 كۇن ىشىندە ءوزى الىپ كەتۋگە مىندەتتى. قاجەت بولعان جاعدايدا اۆتوبۋستاردى بولشەكتەۋ ولاردى ساقتاۋ اۋماعىنان تىس جەرلەردە جۇرگىزىلۋى ءتيىس.
ەسەپتەن شىعارىلعان اۆتوبۋستار الماتى وبلىسى، قاينازار اۋىلىندا، «دارحان» ج ش س اۋماعىندا ساقتالىپ تۇر.
بۇعان دەيىن الماتى اكىمدىگى ەسكى اۆتوبۋستاردىڭ تۇراعىنا 196 ميلليون تەڭگە جۇمسايتىنىن جازعانبىز.
ەسكە سالايىق، بۇل اۆتوبۋستار 2025 -جىلدىڭ 2-مامىرىندا ساتىلىمعا شىعارىلعان، الايدا اۋكسيون وتپەدى.
ودان كەيىن الماتى اكىمدىگى ەسكى اۆتوبۋستاردى قايتا اۋكسيونعا شىعاردى.
ەكى جىل بۇرىن الەۋمەتتىك جەلىدە قالا ماڭىندا قاڭتارىلىپ تۇرعان 300 اۆتوبۋستىڭ ۆيدەوسى تاراعان بولاتىن. كەيىن الماتى اكىمدىگى «اۆتوبۋستار زيراتىنا» قاتىستى پىكىر ءبىلدىردى.
