الماتى اكىمدىگى 30 مەردىگەر كومپانيانى سوتقا بەردى

الماتى. KAZINFORM - الماتىدا مەملەكەتتىك تاپسىرىس العان ءاربىر ءۇشىنشى قۇرىلىس سالۋشى جاۋاپسىز جۇمىس ىستەيدى. بۇل تۋرالى ەربولات دوسايەۆ الاتاۋ اۋدانىنىڭ تۇرعىندارىمەن كەزدەسۋىندە ايتتى.

الاتاۋ اۋدانى تۇرعىندارىنىڭ ءبىرى سالىنعان ۇيلەردە كوپتەگەن اقاۋ بارىن ايتىپ شاعىمداندى.

«مەنىڭ ويىمشا، مەملەكەتتىك تاپسىرىستى العان ءاربىر ءۇشىنشى قۇرىلىس سالۋشى ادال جۇمىس ىستەمەيدى. ساپا تۋرالى ايتاتىن بولساق، قۇرىلىس سالۋشىلارعا قارسى 30 عا جۋىق ارىز سوتتا جاتىر. ەڭ قيىنى - اقشانى قايتارۋ، ويتكەنى كومپانيالار جابىلىپ قالعان»، - دەدى الماتى اكىمى ەربولات دوسايەۆ.