الماتى اۋەجايىندا بارلىق ىشكى رەيس كەشىكتى

الماتى. KAZINFORM - رەيستەر ورتا ەسەپپەن جارتى ساعاتقا كەشىككەن.

الماتى حالىقارالىق اۋەجايىنىڭ مالىمەتىنشە، بۇگىن ىشكى رەيستەرگە ارنالعان كەلۋ ايماعىندا كىرۋدى باقىلاۋ جۇيەسى قىسقا مەرزىمگە ىستەن شىعىپ، جولاۋشىلار ءوزارا ارالاسىپ كەتكەن.

- قاۋىپسىزدىك بويىنشا بەكىتىلگەن الگوريتمگە سايكەس جولاۋشىلاردى قايتا تەكسەرۋ جۇرگىزىلدى. بارلىق شارا جەدەل ءارى ۇيىمداسقان تۇردە ورىندالىپ، رەيستەر كەستەسىنە ەلەۋلى اسەر ەتكەن جوق. ورتاشا كەشىگۋ ۋاقىتى 25 مينۋتتان اسپادى، - دەپ حابارلادى اۋەجايدان.

اۋەجاي قازىرگى ۋاقىتتا قالىپتى تارتىپتە جۇمىس ىستەپ جاتىر.

ەسكە سالايىق، الداعى ۋاقىتتا الماتىدا اۆتوبۋستار اۋەجاي اۋماعىنا كىرەتىن بولادى.