09:08, 06 - قاڭتار 2024 | GMT +5
الماتى اۋەجايى تۇرىك توپ-مەنەدجەرىنىڭ ۇستالعانىن جوققا شىعاردى
الماتى اۋەجايى تۇرىك توپ-مەنەدجەرى ۋفۋك سەرتتىڭ ۇستالعانى تۋرالى اقپاراتتى جوققا شىعاردى، دەپ حابارلايدى Kazinform.
كەشە بۇقارالىق اقپارات قۇرالدارى مەن تەلەگرام كانالداردا ەسىرتكى ىسىنە بايلانىستى اۋەجاي اكىمشىلىگى عيماراتىندا ءتىنتۋ جۇرگىزىلگەنى جانە تۇرىك توپ-مەنەدجەرلەرى ۇستالعانى تۋرالى اقپارات پايدا بولدى.
«قازىر الماتى حالىقارالىق اۋەجايى جۇرگىزىلىپ جاتقان تەرگەۋ اياسىندا ۋاكىلەتتى ورگاندارمەن بىرلەسە جۇمىس ىستەپ جاتىر. سونىمەن قاتار قىزمەتتىك تەكسەرىس باستالدى. تەرگەۋ سوڭىندا تولىق اقپارات بەرىلەدى»، - دەپ حابارلادى اۋەجايدان.
سونىمەن قاتار، اۋەجايدىڭ باسپا ءسوز قىزمەتى ۋفۋك سەرتتىڭ ۇستالعانى تۋرالى اقپاراتتى جوققا شىعاردى.
اۆتور
الما مۇقانوۆا
