الما-اراسانعا اپاراتىن جول ءبىر ايعا جابىلادى
الماتى. KAZINFORM - الما-اراسان ماڭىنداعى تۇراقتان رادون بۇلاقتارىنا دەيىنگى جول 3-ماۋسىمنان 3-شىلدەگە دەيىن جابىلادى.
الماتى اكىمدىگەنەن ءمالىم ەتكەندەي، ۋاقىتشا شەكتەۋ كەلۋشىلەر ءۇشىن قۇرىلىس- مونتاج جۇمىستارىنىڭ قاۋىپسىز ءارى ىڭعايلى ورىندالۋىن قامتاماسىز ەتۋ ءۇشىن قابىلدانىپ وتىر.
- ەكىنشى كەزەڭ اياسىندا ەسكى كوپىر قۇرىلىمدارىن بۇزىپ، جاڭاسىنا اۋىستىرۋ، جاڭا سوقپاقتار، باسپالداق ەلەمەنتتەرى مەن كورىكتەندىرۋ نىساندارى ورناتىلادى. شەكتەۋ بۇلاق جاعىنان «قىزدىڭ كوز جاسى» سارقىراماسى مەن «تەررا» القابىنا باراتىن جولعا دا قاتىستى، - دەپ حابارلادى اكىمدىكتەن.
ەستەرىڭىزگە سالا كەتەيىك، مامىر ايىنان باستاپ الدىن الا دايىندىق جۇمىستارى جۇرگىزىلگەن بولاتىن.
ايتا كەتەيىك، جۇمىس، دەمالىس جانە مەرەكە كۇندەرى دە جول تولىقتاي جابىق بولادى. جوندەۋ جۇمىستارىن 31-شىلدەگە دەيىن اياقتاۋ جوسپاردا تۇر. جوبانىڭ ماقساتى - قازىرگى زامان تالابىنا ساي قاۋىپسىز، ىڭعايلى جانە ەكولوگيالىق تۇراقتى تۋريستىك باعىت قالىپتاستىرۋ.
