الما-اراسان شاتقالىندا تاۋدان تاس قۇلادى
الماتى. KAZINFORM - تولاسسىز جاۋعان نوسەر جاۋىننان كەيىن الماتىنىڭ الما-اراسان شاتقالىنداعى جاردان تاس قۇلادى.
وقيعا كەزىندە ساۋىقتىرۋ كەشەنىنىڭ اۋماعىندا دەمالۋشىلار بولعان. ولاردىڭ ءبىرى ۆيدەوعا ءتۇسىرىپ، الەۋمەتتىك جەلىگە جاريالادى. سالدارىنان كەلۋشىلەرگە ارنالعان كۇركە قۇرىلىسى ءبۇلىنىپ، كيىم اۋىستىراتىن بولمەنىڭ ءبىر بولىگى زاقىمدانعان.
ورمان شارۋاشىلىعى جانە جانۋارلار دۇنيەسى كوميتەتى كوميتەتى، وقيعا 2 -مامىر كۇنى ساعات 16:10 شاماسىندا الما-اراساننىڭ (پروحودنوە شاتقالى) رادوندى بۇلاقتاردا بولعانىن اتاپ ءوتتى.
- ىلە الاتاۋى مەملەكەتتىك ۇلتتىق تابيعي پاركىنىڭ ينسپەكتورلارى اتالعان جەرگە جەدەل شىعىپ، اۋماقتى تەكسەرۋ جانە تاس قۇلاعننان كەيىنگى سالدارىن باعالاۋ جۇمىستارىن ۇيىمداستىردى. رادون كوزى ورنالاسقان 31,8 گەكتار جەر ۋچاسكەسى ىلە الاتاۋى مەملەكەتتىك ۇلتتىق تابيعي پاركىنىڭ ورمان قورى جەرلەرىنە جاتپايتىنى انىقتالدى، - دەپ ءتۇسىندىردى ۆەدومستۆودان.
2014 -جىلى جۇرگىزىلگەن ورمان قالىپتاستىرۋ جۇمىستارى بويىنشا، سونداي- اق 2023 -جىلى «ازاماتتارعا ارنالعان ۇكىمەت» مەملەكەتتىك كورپوراتسياسى كەاق فيليالى ۇسىنعان حات پەن كارتاعا سايكەس، رادون كوزدەرى الماتى قالاسىنىڭ بوستاندىق اۋدانى مەن الماتى وبلىسىنىڭ اۋماعىندا ورنالاسقان.
ايتا كەتەيىك، الماتىدا 2025 -جىلى ۇلكەن الماتى شاتقالىنىڭ ەڭ كورنەكتى نىساندارىنىڭ ءبىرى - «الما-اراسان» رادون كوزىن رەكونسترۋكسيالاۋ جوسپاردا.
سونداي- اق الما-اراسان شاتقالىنا اپاراتىن جول جوندەلەتىنى تۋرالى جازعانبىز.
الما مۇقانوۆا
