الەمگە تانىلعان كابيرحان تۇلپارى قازىر قايدا

الماتى. KAZINFORM - كابيرحاننىڭ يەسى تىلەك مۇحامبەتقاليەۆ اگەنتتىك تىلشىسىنە قازىر سايگۇلىك قايدا ەكەنىن ايتتى.

ونىڭ ايتۋىنشا، تالاي جارىستا ءدۇل-ءدۇل وزعان كابيرحان قازىر دۋبايدا. جارىس ماۋسىمى اياقتالعاندىقتان، ول كۇزگە دەيىن سوندا بولادى. جاڭا ماۋسىمعا دەيىن دەمالادى جانە دايىندالادى.

- جاعدايى جاقسى، - دەدى تىلەك مۇحامبەتقاليەۆ.

ەسكە سالايىق، بىلتىر 12- قاڭتاردا دۋبايداعى مەيدان يپپودرومىندا وتكەن بەدەلدى بايگەدە قازاقستاندىق كابيرحان ەسىمدى تۇلپار جەڭىسكە جەتتى.

ودان كەيىن دۋبايدا وتكەن Al Maktoum Challenge تۋرنيرىنىڭ ءبىرىنشى توپتاعى ۇزدىك اتتار بايگەسىندە كابيرحان مارە سىزىعىن تاعى دا ءبىرىنشى بولىپ كەستى.

«رەسپۋبليكالىق زاۋىت جىلقىلارى تۇقىمى پالاتاسى» پرەزيدەنتى تالعات جايسانبايەۆ كابيرحان الەمدەگى ەڭ ۇزدىك وندىققا كىرە الاتىنىن ايتتى.

اۆتور

دوسبول اتاجان